بسم الله الرحمن الرحيم
مساكم الله بالخير يااغالى حوائيات :26:
هذي طريقتي في السمك المقلي ورز الصياديه وان شاء الله تعجبكم
المقادير :
سمكه كبيرة منظفه من الداخل ومقطعه جزل او قطع متوسطه ومغسول بالملح الخشن عشان الزفره .
جمبري كبير منظف ومنزوع منه الخيط الاسود بالظهر .
ملح وكمون مطحون وخل عنب وخل ابيض .
3 رؤوس ثوم مطحون ناعم .
دقيق للقلي .
زيت العربي ولا غير العربي .
مقادير الرز :
3 اكوب اي نوع رز تبين في ناس تحب الرز المصري في رز الصياديه لكن انا استخدمت هنا الشعلان
بصله كبيرة الحجم مقطعه وسط ومحموسه لين اللون البني .
2 ملعقه كبيرة كمون .
مكعبين ماجي
ورشة ملح .
الطريقه:
1/ تقطعين السمك وتنظفينه من الداخل وبالاخير تفركينه بملح خشن وتغسلينه وتخلينه على جنب وتسوين فيه شقوق صغيره .
2/ تنظفين الجمبري زين وتزيلين الخيط الاسود اللي بالظهر وتفركينه زين عشان ينظف وتخلينه على جنب ..( لاتستغربون معاه شي اسود هذا اسمه ام الربيان ) ويجي لونه كذا ) .
3/ الحين نجي للخلطه وهو السر اللي يخلي طعم السمك المقلي مثل الجاهز حق السوق .. والله العظيم مثله بالظبط
4/ ناخذ زبديه زجاج او ستيل عشان نخلط السمك مع الخلطه ولا تاخذين بلاستيك عشان ماياخذ الاناء ريحة سمك .. نبدأ نحط الثوم طبعا نطحنه مع شوي مويه بفرامة الثوم عشان يسهل طحنه .
5/ نضع عليه كميه وفيره من الكمون
6/ بعدين نحط 4 ملاعق تقريبا خل العنب وكوب تقريبا خل ابيض .
7/ نزيد مويه تقريبا 4 اكواب مويه زياده وبعدين نحط الملح وحركيه واتأكدي اذا ناقص زيدي ملح
8/ الحين نحط السمك ونقلبه في الخلطه
لحد يرد لين اكمل رجاااااااااااااااااااااااااااااء يابنات
