ببدا من البدايه كان خاطري احمل من زمان وحمدالله حملت بس سقطت وكنت مستعيله وايد على سالفه الحمل المهم ماخليت مستشفى ولاعيادة الا سرتها وكانوا يخبروني اني طبيعية ومافيني شي وريلي بعد المهم لعوزت ريلي لين ماوافق اني اسوي تلقيح اصطناعي وكان يقولي احنامافينا شي اصبري قلت لاااااااا والف لا المهم سرت عند الدكتورة الي اتعالج عندها فالبدايه ماطاعت قالت نحن مانسوي هالشي الاالي عندهم مشاكل مني مناك طاعت وسوينا التلقيح وحملت بس طاح الياهل وسويت مرة ثانيه وماحملت لاني كنت حاطه في بالي اني مابحمل طبيعي وعقبها حملت طبيعي سبحان الله وفرحت بس للاسف الياهل ماكان فيه نبض من الشهر الاول وماطتتاع ينزل يوم كنت اسير المستشفى اقولهم شوفوولي حل يقوولي اصبري لين ماينزل بروحه تميت اربع شهور ومانزل الياهل فا كل يوم كنت احط في بالي ان بيكون فيه نبض وكنت عايشه على امل بس ربي ماكتب امي قالت لازم اتروحين مستشفى عشان ينزولون الياهل مب زين بيتعفن في بطنج المهم سرت الدكتورة قالت لي انسويلج طلق صناعي لان عنق رحم مسكر عندج وترقدت عندهم وحطولي تحاميل ومانفع آخر شي حطوا المغذي واهني اشتغل العوار عدل بس رحم بعده مسكر تميت ثلاث ايام على هالحاله صياح وصراخ ورحم مايتبطل وكل شوي يحطون ايدهم وهني تطلع روحي اخر يوم زاد العوار عندي ومب طايعين يعطوني مسكن يبون العوار يزيد اكثر عشان الرحم يتبطل ويطلع الياهل شليت المستشفى فوق راسهم وكنت الغرفة الملاحظه كمن وحده وياي يعني جريب بيولدوون واهاليهم عندهم كنت اصارخ واصيح واترجاهم بس ماشي وكنت احاول ما اطلع صوت لان كل رياليلبس ماقدرت واصارخ اقول حق سستر تعالي خلاص بيطلع فضيحه خخخخخخخخخخ لين ماطلع وقلت حق امي ماباه احمل خلااااااااااااص ريلي اول مرة طلع الي في خاطرة وقال اباه نونو اباج تحملين قبل مااسافر لان كان بيتم ست شهور برع الدوله وخلاص ماشي وقت كنت اتريا اني اكون حامل بس نزلت الدورة واول ماخلصت قلت حق ريلي اباه اسوي تلقيح ولا اطفال انابيب قال ماشي المهم سرت عند دكتورتي وقلت اباه حبوب هرمون اتساعد ع الحمل قالت ليش مايتيني اثناء الدوره :quran:قلت ماكنت اعرف اتقولي الحين ماينفع قلت انا مايخصني عيني سوت لي سونار وطلع عندكيس دهني صغير قالت مايستوي اعطيح لان بيكبر الكيس وخبرتني ان البويضه مب موجوده لان هي اتم ثلاث ايام والحين نزلت خلاص اصبري اذا متلقحه بيبين الحمل واذا لا بتنزل الدورة كسر خاطري ريلي قال خلاص ماشي امل انا ساير بعد اسبوعين وانا فقدت الامل خلااااااااااص ومرت الايام وانا كنت مشغولة ويه ريلي في سالفة السفر لان كان يشلني وياه يوم يشترى السفر المهم اليوم الي بيسافر فيه كان طايف موعد دورتي يوم واحد وانا ماادري وسافر ريلي فديته وانا رديدت بيت اهلي وناسيه سالفة الدورة بالمره ولاقبل احسب الايام ودوووم اخذ تستر وماشي فايده المهم امي تسألني مايتج الدوره اقول لها لا لان ف مستشفى مخبريني ثاني يوم الدوره اسير لهم واسوي فحوصات عشان يعرفون شوه سبب الاجهاض وكل يوم تسال وهي معصبه امي اقولها ليش تتعصبين علي انا شوه سويت وانا ماادري عن شي امي كانت شاكة اني حامل وانا خبر خير لاني كنت متضايجه عشان ريلي المهم سارت امي ويابت وياها تستر مب واحد بعد خمسه ويت عندي اتقولي سوي فحص اقول لها ليش انا احس الدورة بتيني لان احس شي ينزل واسير الحمام الله يعزكم ومافي شي وسرت سويت الفحص طلع خطين المهم الخط ثاني مب واااااااضح بالمرة بعني لازم اتطالعين عدل وفريته في زباله قلت ماشي حمل وخبرت مرت خالي فديتها وايد احبها قالت سير هاتي الستر المهم يوم يبته وعطيتها قالت انتي حامل يامينونه وانا مب مصدقه يوم اشوف الخط واااااااضح عدل وخبرت امي عصبت علي وسبتني قالت مب زين انتي توج مسقطه شهربس وعقب خبرت ريلي استانس وااايد فديته وعقب سرت المستشفى وسويت تحليل دم وبول الدكتوره قالت لازم سونار قللت اوكي وسوت السونار يخس بليسها قالت هذا حمل خارج الرحم لازم تنامين عندنا وباجر بنزل الحمل وزعلت وااايد قلت لهم بسير البيت المغرب بي عندكم قالوا حق اذا صار فيها اي شي انتي المسوؤله لازم اتيبينها رحت البيت وجهز ت اغراضي فديتها يدتي كانت وصيحتني وياها المهم سرت المستشفى وكانت الدكتوره ثانيه قلت اباه دخول مستشفى قالت ليش عطيتها الاوراق وجان اتقول لي انتي اتحسين بعوار قلت لاااا قالت بسويلج سونار مرة ثانيه عشان اتاكد وسوت لي وانا مسويه طاف مااطالع الدكتورة ولا الشاشه قلت شوه الفايده ولا اتقولي الدكتورة شوفيج زعلانة ومنو هاي الد كتورة الي قالتج حمل خارج الرحم اتقول الحمل عندج داخل الرحم وانتي توج اربع اسابيع اتقول حمدالله سويت لج سونار والله ستر ولا كان بيروح الجنين المهم قالوا بنتريا عليج تدخلين الاسبوع السادس عشان النبض اذا بين بنعطيج ابر تثبيت وحمدالله بين النبض وفي الاسبوع مره كنت آخذ بره تميت على الابر لين شهر الثالث وعقب وقفوا الابر المهم يوم دخلت الرابع امي رقدوها في المستشفى عشان عمليه قيصريه وانا كنت وياها لين ماطلوعها من غرفة العمليات وهي تعبانه انا كنت اشل اخوي واشربه حليب واهتم فيه والمكان الي كانت فيه امي كلهم حريم مسوين لهم نفس العمليه ويه امي وتعبانين والياهل يصيحون يوعاه والسسترات مسوين اكبر وكانوا ست حريم ويه امي المهم كل شوي اسير عند واحد واغيرلهم الحفاظ واشربهم حليب ارقدهم لين الفير حسيت شي ينزل علي مثل الماي سرت الحمام الله يعزكم والااشوف دددم انصدمت وزغت خبرت امي وعلى طول سرت عند الدتورة وقالت هذا من التعب يبالج راحه ماصدقت كلامها سرت عياده خاصه ونفس الكلام وخبرتني اني حامل بنوته واتصلت في ريلي وخبرته وتم يصيح من الفرحه لا نهو حاط في باله هالحمل بعد مابيثبت بعد وعقبها ردوا يعطوني ابر لين شهر السابع يعني خذيت عشرين ابرة تثبيت وريلي رد من السفر يوم كنت في نهاية السابع وكنت اعاني من الحساسيه ومرت الايام وعاطيني موعد ولاده 29/10/2009وصلت الثامن وكنت في نهاية الثامن وكان ثاني يوم العيد ونزل علي ماي وافرازات وسرت المستشفى جيكوا علي طلع عندي رحم مفتوح سانتي ونص قالت الدكتورة لاتروحين امكان بعيده بالسيارة ولاتمشين ولاتأخذين اشياء تخليج تربين بسرعه لانهم يبوني ادش التاسع واكمل فوقهم عشرة ايام قلت في خاطري انا مابتريا اكثر خلاص لاني تعبانه صدق ماروم امشي الي يشوفني ايقولي بطه وعوار الظهر بصوب وفطامي فديتها كانت وضعيتها على صوب واحد وكانت ضاغطة على المراره وبطني يتبس علي فكنت اعاني سرت البيت وشربت زيت خروع وماحسيت بشي ومشيت وكلت اناناس لين ماقلت بس وماشي فايده ودشيت التاسع بدايه عشرة وكل يوم عندي تخطيط واحس بعوار الولاده بس ماكان يظهر في التخطيط وريلي مستعيل يباني اربي عشان مايسفرونه بعد وتميت على هالحالة لين تاريخ 8/10
دخلوني مستشفي عشان اكون تحت الملاحظه بس يعني مب حق الولاده وانا عندي عوار ومايظهر عندهم وكل شوي يجيكون كم فاتح الرحم وصلت سانتين ومايفتح اكثر يدخلوني الولاده ويطلعوني واشوف الحريم يصارخون اخاف زياده تميت على هالحاله لين يوم السبت وكانوا مطلعيني من الولاده المهم كلمت ريلي قلته سير كلمهم خلهم يطلعولي حل لاني تعبت يكفي من ثاني يوم العيد ولين الحين وسار هزبهم وطاح فيهم قالوا خلاص بنسوي له طلق وريلي استانس اونه خلاص بتربين عقب شوي وانا اطالعه ومعصبه الحبيب مايعرف الطلق كيف طلعته برع المهم الفير تم ينزل على ماي وايد شرات البيب خخخخخ وعلى طول ودوني غرفه الولاده والساعه السبع يت الدكتورة ويالسه تضحك اتقول ليش ريلج مستعيل ومايباه يسافر قالت احنا بنسويلج طلق بس احتمال مايأثر فيج لانج مأخذة ابرة المهم حطوا الطلق والدكتورة حذالي وريلي يتصل وانا ماارد لان الدكتورة موجوده آخر شي رديت هاه ماربيتي متى بتربين اختي توا ربت جان اقوله الحين حاطين الطلق اونه كم يبالج لين ماتربين اقوله مااعرف يقولي ربع ساعه لاااه وليش ماابند التلفون في ويه والدكتورة ناقعة من الضحك الدكتورة روحت وانا اقول الحين بيبدا العوار واقرا قرآن ورقدت وماحسيت بعمري ونشيت ومااحس بااي الم شوه سالفه قصوا علي السستر الي كانت موجوده طيووووووبه وحبوبه قلت حق امي اذا ريلي اتصل قوليله انج ماتعرفين شي الصراحه كنت انطفرمن اسئلة شرات الياهل اففف استوا الساعة ست المغرب وماشي عوار بس يظهر في التخطيط والرحم بعده سانتين ويت الدكتورة وجيكت قلت لها انا مااحس بشي جان اتقولي بطلع الحين برع وسيري غرفتج عند امج وامشي واذا تبين تأكلين عادي كلي وبنحط الطلق مرة ثانية وبنزيد الجرعه طلعت وتمشيت ويلست اسولف يه امي وخالي وزطيت جبس وشربت بيبسي وطاف الوقت بسرعه ويت السستر وراي اتقول الدكتورة تترياج من متى وسرت وانا اضحك والسستر تضحك وياي حطوني على السرير وحطوا الطلق والدكتورة قالت اذا ماياج عوار بنسويلج عمليه لان الرحم عندج مب طايع يتبطل اكثر شليت المصحف وقريت سورة البقرة ومريم والنساء والآيات القصيره وادعية تسهل الولاده واستغفرت وشربت ماي زمزم وعقبها تميت اسولف ويه السسترواشتغل العوار حسيت اني خلاص بموت والساعه سبع قلت خلاص مابااه الياهل طبعا ماسيت حد ولاصرخت واسمع حريم يصارخن واخاف اتقولي الدكتورة لاتخافين كل وحده ولادتها غير يت السستر اتقولي خلاص انتي بتربين اليوم قلت لها مااعتقد وجان اقولها لاتروحين خليج وياي اتقولي الزمام مالي بيخلص الساعه 11 وانتي قبل 11 بتربين قلت لها مستحيل انا توني سانتين وكلما يزيد العوار استغفر واذكر الله يحليلها الستر عطتني ابرة يخخف العوار ويخليني متخدرة وصكرت ليتات ويلست حذالي وخف عني العوار بس كنت احس بالم خفيف ومره وحده نشيت قلت اباه حمام الله يعزكم قالت اوكيه فديتها كانت كل وقت تضحك في ويهي يايه اتشل التخطيط وحسيت اني اباه اضغط وانا مااعرف شوه سالفه وخبرتها فرحت وجيكت طلع عندي الرحم فاتح 7سانتي واستانست وحضنتني وباستني وانا بعدني مب مستوعبه لاني متخدرة وشلوني وحطوني على سرير الولاده ويلس اضغط لين ربع ساعه لين ماشرفت فطامي الحلوه ماحسيت بااي الم وانا اضغط وحتى يوم طلعت وحطوها على صدري طلعت الستر اتخبر اهلي اني ربيت واهلي مب مصدقين لانهم ماسمعوا صوتي بالمرة اول ماطلعت فطامي اتصلت في ريلي وخبرته والدكتورة يالسه اتخيطني ولادتي كانت سهله وايد وربيت 10/10/2009 في اول اسبوع من التاسع وفطامي الحين بتكمل ثلاث شهور عقب كمن يوم اسمحولي وايد طولت عليكم لان في بدايه الشهور الاولى من حملي كنت ادش المنتدى واخبركم عن حملي وعقبها انقطعت عشان جي كتبت لكم كل شي والسموحه مره ثانيه وايد تفلسفت :alhamduleAllah:
