كانت تدرسني معلمه فاضله لكنها جافه شوي
وكانت دايما كل مامدحتنا في شي و شافتنا فرحنا قالت :
هذا فضل من الله (وهي عابسة الوجه مقطبة الجبين)
فكنا استغفر الله نتضايق من الكلمه نحس كأنها تقول مو شطاره منكم وفي يوم سمعت هذا الكلام من أستاذتي
الفاضله أناهيد بأسلوب أحسن قالت الله يكتبلها الأجر:
كل شي زين يصير لك هذا فضل من الله حتى أبسط و أصغر الأشياء سبحان الله مثل:
الزوجه إذا لبست وتشيكت لزوجها واعجبته فهذا فضل من الله مو ذكاءها أو جمالها اللي خلاه يمدحها ربي يقدر يمنعها
من شرا هاذي الملابس والمكياج (مافي فلوس) أو محد وصلها السوق ربي يقدر يبغض زوجها فيها وقتها لأي سبب لا
أبسط شي يقدر يجعل هذا الزوج مايلاحظ شي من اللي مسويته أو يلاحظ بس مايشوف أي جمال فيها
حتى الطبخه إذا زبطت هذا ربي اللي تفضل عليك وعلمك ورزقك باغراضها
حتى سيارتك إذا ركبتها هذا فضل من الله إن عندك سياره وغيرك ماعنده غيرك سيارته معطله والله يقدر يجعلها في
أي لحظه دون سبب توقف عليك ربي يقدر لاسمح الله يجعلك معاق مثل أي معاق مايقدر يسوق
حتى كتابتي للموضوع والأجر اللي يارب اكتبه لي فضل من الله إنه هداني لكتابته ورزقني في الأساس بالجهاز
مابي أطول عليكم إن شاالله قدرت أوصلكم الفكرة الخلاصه أي شي زين يصير حتى أبسط الأشياء فهو فضل من الله
يعني لاتغتر/ي بنفسك وتظن/يها شطاره وذكاء منك
حتى الجمال تذكري إن الله اللي خلقك بهذا الشكل وهو قادر يسلبه منك في أي لحظه واحمدوه واشكروه وحسوا انه
فضل و كرم منه
حتى إنك قريت/ي الموضوع هذا فضل من الله غيرك الله صرفه عنه ومافتح الصفحة غيرك ماكمله غيرك
مايشووووووووووف وانت/ي تشوف/ي قول/ي الحمدلله
يوم سمعت الأستاذه عرفت إن معلمتي معها حق
سبحانك لاأحصي ثناءاً عليك أنت كما أثنيت على نفسك
والصلاه والسلام على سيد الأنبياء والمرسلين سيدنا محمد وعلى صحبه أجمعين
هذا وإن أصبت من الله وإن أخطأت فمن نفسي والشيطان
منقول للأمانه
