مساكم الله بكل خير اخواتي
في البداية تجدون كل الصور بالخطوات الواضحة على الرابط التالي في صور اكثر توضح المراحل بالتفصيل
http://picasaweb.google.com/amal.yabb/Bwata#
للعمل نحتاج الى
علبة خشب
الوان الاكريليك
الريزين اللي هو الباور ان
معجون الطيكستور و بودرة الزنك او اللي متوفر عندهم معجون الجدران يكون افضل
رسمة مطبوعة على ورق
عجينة السيراميك او حيالله عجينة ثانية المهم لونها فاتح
غراء خشب
موس كيطير للتقطيع
زجاجة اللي راح نشتغل عليها
الخطوات
نشتغل العلبة بمعجون الطيكستور مع بودرة الزنك نفس طريقة البرواز اللي سبق ووضعت خطواته
بعدما تنشف العلبة نلونها وهذه النتيجة
هذه الوردة اللي راح نشتغلها راح نقصها كل ورقة لحالها
نمد العجينة فوق الزجاجة بين عودين شواء حتى تطلع سمك واحد
نضع طبقة من الغراء تحت الورق ونلصقها فوق العجينة
نقص كل ورقة بواسط موس التقطيع
نضغط جوانب الورة الداخل حتى نطلع العجين الزائد ونقصه
راح تشوفون الخطوات اكثر على الر ابط اللي حطيته فوق بالتفصيل
ثم نرجع نرتب الوردة فوق العلبة نضع طبقة الغراء تحت الورقة ونلصقها
بعدما نلصق كل الوردة نعتق جوانبها شوي بالذهبي
الان بعدنا نشفت العلبة تماما راح نخلط الريزين نفس القياس من القنينتين
صورت الريزين للي مايعرفهم
url=http://www.0zz0.com][/url]
في تتمة يا حلوين لا تروحون بعيد