طريقة عمل البرجر البيتى
المقادير
كيلو لحم بقرى او ضانى -ربع كيلو فول صويا وبهارات(ملح وفلفل اسمر وبودره توم بص انا حطيت فصين توم وبشرتهم و البابريكا)بصله مبشوره ناعم ومعلقه بقسماط
الطريقه
انا لفيت على فول صويا بودره مش لقيت جبته صحيح وفرمته ناعم بس لما عملته قولت لازم يتفرم اكتر من كده فحاولوا تفرموا على اخر ماعندكوا ونقعتها ساعتين فى مياه دافيه
والله طلع تحفه بس معلشى مش صورته لما عملت منه
وبعد كده تبلت اللحمه بالبصل والتوم والبهارات ونحط الفول الصويا ونعجنهم فى بعض ونسيبها فى التلاجه ساعتين
نجهز بقى اى غطاء برطمان عندنا بس يكون رفيع انا استعملت بتاع الورق العنب ونحط فيها كيسه صغره ونحط اللحمه ونفردها هتعمل قرص مدور نحط عليه كيسه تانيه ونقلبها ونستمر لحد مانخلص كل الكميه
بعد كده ندخله الفريزر انا حطيته فى علبه
