وحشتوني اوي
بقالي كتير ما بدخلش المنتدي
واديني رجعتلكوا تاني اهو بطريقة تجفيف التين البرشومي
هاتي كيلو تين ونقي الثمرات الجيده .
جهزي ماء في اناء يكفي لتغطية كمية التين المراد تجفيفها .
ثم اضيفي لها ملعقة زيت طعام عادي وحطيها علي النار ولما تغلي حطي فيها الثمار وبسرعه
قلبي تقليبتين بمعلقه خشبيه وشيليها بسرعه بمصفه .
ثم حضري قطعة قماش نظيفة وافردي عليها الثمرات وسيبيها في الشمس ولما ييجي الليل
دخليها جوة وحطيها تاني يوم الصبح بدري وسيبيها برضو في الشمس وهكذا لمدة 3 أيام او أكتر
الي أن يجف التين تماما وطبعا الشمس حاميه أوي الأيام دي فأكيد هيجف بسرعه .
ولما يجف تماما حضري مسحوق مكون من :.
2- مقدارين نشا .
3- فانيليا .
قلبي المقادير دي كلها علي بعضها وبعدين اغمسي الثمرات واحده ورا واحده في المسحوق حتي
تغطي الثمرات كلها بالمسحوق جيدا وبعد كده طهري ابرة خياطة وألضميها بخيط وألضمي فيها
حبات التين و اعمليها زي العقد وعلقيها في مكان جيد التهويه كام يوم كده وبكده يبقي عندك
احلي تين برشومي في رمضان ويكون من عمايل ايديكي
:85::85::85::85::85:
وكل سنه وكل الفتوكات الحلوات بخير
وان شاء الله رمضان كريم علينا وعليكم وعلي الامه الاسلاميه كلها
