the delicious caramel box
للمرحله الأولى نحتاج لـ…
كعك أنجليزي
بسكويت الكاراميل (لوتس)
شوكلاته بيضاء..300 غرام
كريمة خفق..150 غرام
-> ممكن استبدالها بقشطه طازجه مثل المراعي / نادك …الخ ، لكن راعي أنها تكون بنفس كمية الشوكولاته في هالحاله
الحين بنسوي جاناش الشوكلاته الأبيض..
كسري الشوكلاته قد ماتقدرين
بعدين أرفعي الكريمه على النار لحد ماتبدا تغلي,,,
ضيفي عليها الشوكلاته ..وأرفعيها عن النار..مع أستمرار التحريك
لحد ماتذوب.
✿ ❀ ✿
تعالوا نسوي الصندوق
بنقطع الكيك شرايح…بمقاس البسكويت..
لو حابه الصندوق يكون مستطيل..
غمسي السكين بماء..(عشان مايتكسر ويتفتت معاك)
بعدين ..أقطعي البسكويت نصين…..
…
أدهني جدران القاعده بالجاناش الأبيض..
بعدين لصقي البسكويت وأصنعي صندوق..
كل صندوق صبي جواه 3/4 ملاعق من الجاناش الأبيض..
بعدين كسري عليه بسكويت..
أوريو… الجوزاء..لوتس… حسب رغبتك..
رشيهم بالتوفي المبروش…
حطيهم بالفريزر..
المرحله الثانيه…
التوفي المقرمش..
سيحي نص كاس سكر …بدون أي إضافات..
صبيه في صحن قصدير مدهون ..
أتركيه يبرد بعدين..
أطحنيه ..
الحين بنجهز كوكتيل كرات الشوكلاته للزينه ومنها طعم
✿❀✿
هيرشي كيسز ..
مالتيزرز..
واللي بالنص…
كوري البانت بتر…وأحرصي يكون بااارد ( لوحسيتيه مازال لين ممكن تضيفين عليه سكر بني بودره أو بسكويت أولكر مطحون )
بعدين دحرجيه بسكر بني..
بعد ماتخلصين حطيهم بالثلاجه وبعدين كرري هالعمليه..
كوريها مره ثانيه ودحرجيها بالسكر البني ..
نرجع للصندوق نشوف شو صار له
✿❀✿
طلعناه من الفريزر …
وحطينا فيه ..:-
كريمه خفق …خفقناها مع سكر وكاكاو…-> (ممكن تستبدلين الكريمه بدريم ويب مع شوكولاته)
✿❀✿
رشينا الوجه بالتوفي المقرمش المطحون (ممكن تصبين هيرشي صوص )
بعدين حطينا كل الكور في الصندوق
✿❀✿
