ازيكم يابنات ممكن يكون العنوان غريب شوية
بس انا عايزة اغير ستايل لبسى بس مش عارفة البس ايه انا لسة فى الجامعة
ولبسى العادى بنطلون وعليه تونيك لحد قبل الركبة وبديهات كارينا وطبعا دى اول حاجة هلغيها ان شاء الله
انا لسة عايزة اشترى لبس للشتاء
فكرت اجيب الفساتين الصوف اللى بتبقى طويلة تحت الركبة والبس عليها بوت بس مش عارفة مش مرتاحة لحكاية بوت حاسة انه هيبقى حرام لانه بيحدد الرجل حتى لو حتة صغيرة بس بيحددها مظبوط كده ولا انا غلطانة؟؟؟؟
وفكرت اجيب بعد كده تونيكات طويلة تكون تحت الركبة كمان والبس تحتها بنطلون واسع كده يبقى تمام ولا مش صح برضه؟؟
وفكرت البس عبايات شتوى بس العبايات الحريمى بحس ان عندى مليون سنة وبتكبر السن اوى
ياريت اللى عنده موديل عبايات شتوى ومحترمة وتناسب سنى ينزل الصور او يبعتهالى على الخاص
وكمان اللى يعرف المذيعة دعاء عامر بتجيب لبسها منين يقولى وايه رايكم فى لبسها؟؟ لو لبست زيها كده يبقى محترم وكويس؟؟
زى كده مثلا
http://files.fatakat.com/2009/12/1260293807.jpg
http://files.fatakat.com/2009/12/1260293848.jpg
http://files.fatakat.com/2009/12/1260293891.jpg
كمان عايزة محلات محجبات تكون شيك ومحترمة وفى نفس الوقت تناسب سنى وبلاش محل المتحجبة دخلت فرعه بتاع سيتى ستارز لاقيت العباية ب 6000 جنيه تقريبا
انا لبسى الحمدلله محترم بس انا عيزاه اكثر احتراما عشان احس برضا ربنا
وعايزة اعرف الكحل يعتبر زينة؟؟
جزاكم الله كل خير