هذا الحلا جربته ا مس يمي يمي مرررة مررة مرررررة 
أول حاجة اللي يحب الشوكلاته ويحب يغوص فيها رح يتجننن عليه
واللي مايحب الشوكلاته برضو رح يحبه غصب < ماعندها دمقراطية أبدا 
أول شي جيبوا الاغراض وتعالوا طبعا الاغراض حسب مقاس الصينية حقتكم
بس أنا استخدمت لصينيتي هذي
8 حبات جالكسي السادة
و4 علب قشطة
8 حبات كيري
2 حبة كت كات
كاسة بسكوت مطحون
4 قطع كيك بيتي كروكر شوكلا ته
هذا كيك بيتي كروكر بالشوكلا ته
نفتت الكيك مثل كذا 
ونعمل منه طبقة ونمددها في الصينية 
هذي القشطة والكيري 
وهنا برضو بيستعدوااا
بعدينا نخلط الكيري و( علبتين ) قشطة بالخلاط حتى يتجانسوا 
بعدين نجيب البسكوت اللي طحنناه ينفع ميري الاحمر ينفع تبع الشاي الفرنسي ينفع دايجستف
بالله تبغوا دمقراطية اكتر من كدا ؟؟ 
نحط البسكوت فوق الخلطة ونخلطه كويس بملعقة
بعدينا نقطع الكت كات قطع صغيرة ونضيفه برضو للخلطة ونحرك برضو بمعلقة
نفرد هذى الخلطة فوق طبقة الكيك
هنا يبغالكم تخلوا بالكم لما تحطوا الخلطة بشويش بشويش تمسدوها لانها ممكن تحرك طبقة الكيك
وتخربها
شوي شوي افردوها زي ماتنفرد القشطة فوق الكنافة < شرح يهبلل أحبنى موت ههههههههههه 
بعدينا نفتح الجالكسي ، نشمها ، نتنفسها ،
نقطعها حتتت حتتت ،، 
ونحطها في حمام مائي ،
الحمام المائي مو البانيو حقكم هههههههه
الحمام المائي لمن لايعرفه أنو يجيب قدرين واحد أصغر من التانى في الكبير نحط مويا مغلية
وفي التانى بس الشوكلاته ونحطها ع النار ونحرك حتى تذوب الجالكسي
أول ماتذوب نشيلها عن النار ونطالع فيها بغرام وهيام ونضيف لها علبتين قشطة
ونحرك بملعقة حتى تتجانس
والحين نحط الشكلاته فوق الخلطة 
ونمسدها حتى تغطي الوجه كله وبعد شوى لما تروح حرارتها نحطها بالثلاجة وبعد
ناكلها وبالعافية والهنا ،،
يارب تعجبكم 