فكره بسيطه تستحق التنفيذ لعيون حواء
خطوه خطوه
المقادير :
الكيك
نص كيلو دقيق اسبونج
6 بيضات
نص كوب مايه
فانيليا
للتزين:
ربع كيلو كريم شانتيه
كوب مايه ساقعه
للتزين الجناب سودانى مجروش او لوز او فسدق
للتزين الوجه علبه كمبوت خوخ واناناس وتفاحة و٥ فراوله و٣ كيوى ومعلقتين جيلى تلميع
ألطريقه :
نجهز الفرن ونبتدى نعمل الكيك نبطن صنيه زبده ودقيق ونحط الدقيق والبيض والفانيليا والمايه ونضربهم على اعلى سرعه لحد ما يوصل لقوام الكريمه نصبها فى الصنيه وندخلها الفرن هتاخد من 30 الى 35 دقيقه فى الفرن ومش تفتحى عليها مجرد ما الوقت يعدى أقفلى الفرن وسبيها 5 دقايق وطلعيها سبيها تبرد واقلبيها على سلك والفيها كويس بكيس ودخليها التلاجه لتانى يوم
الشربات نص كوب سكر ونص كوب مايه نحطهم على النار 10 دقايق ونسبها تبرد ونسقى بيها
الكريمه هنضربها بالمايه السقعه وننزل شويه شويه لحد ما نوصل للقوام المطلوب
تانى يوم اقسميها تلات طبقات وابتدى اسقيها شربات وادهنيها بالكريمة وهكذا لحد ما تخلصى التلات طبقات واخر طبقه هتشيلى الوش والجناب وتساوى التورته وده اختيارى ممكن زاى ما هى والصور هتوضح
وندهنها كريمه كلها وندخلها التلاجه نص ساعه وبعد نص ساعه نطلعها وندهنها وش تانى من الكريمه ونظبطها وبالسكينه كويس ونلصق الجناب بالمكسرات المتاحه ونرص الفاكهه حسب الزوق وندهن وش الفاكهه جيلى تلميع وندخلها التلاجه كام ساعه قبل التقديم وبالهنا