احم احم اليوم جيتكم وجبتلكم كيكه من إختراعى ان شاء لله تعجبكم
يعنى قصدى من اختراعى يعنى مش منقوله من كتاب او هكى
لالا انى نعرف قواعد الاساسيه ونحب نزيد ونقص
من الاخير نحب نرتجل فى الماكله
ياسر ياسر من الهدرزه خلى نبدوا فى جد
شن رايكم شن نسموها الكيكه ؟؟؟
المقادير
الكيكه ( 4 بيضات _كوب سكر _كوب **ادى بدون نكهة _ربع كوب زيت _ ضرف بيكبوندر _فانليا سائله _كاكو _ دقيق )
التزين (حكة حليب محله نستلى "يغلى لمدة ساعتين فى الماء حتى يصبح كراميل " كريم شانتيل _شراب عسل _بسكوتى سنبله _شكلاته ملتيزر _قشطه _وشكلاته )
الطريقه :
الكيكه (تخلط بيض معا سكر معا فانليا فى الخلاط جيدا تم يوضع ال**ادى وزيت ويخلط مره اخره جيدا
تم يوضع الخليط فى صحن تم نخلط ضرف خميره وكاكاو ونخلط تم واخيرا نوضع دقبق حتى تصبح خاتره يعنى زى خليط كيكه العاديه
بعدها نحطوها فى الكوشه ونستنوها لن نطيب رد بالكم تحرقوها
بعد ماتبرد شويه نقسها بى الخيط او الموس من الوسط ونشربها بى الشراب وى صوره هادى
بعدها يحنى نجو لى الفكره الحلوا والغريبه ناخدو بسكويت سنبله ونقعو فى ماء ونسكافىه او حليب ونسكافيه ونستفوه زى هذا
بعدها يحنه ناخدو من بسكوت ونرحو ونطحنو باهى ونحطوه فى صونيه ونحط عليه القشطه وشويه كريم شانتيل ونخلطوه لكن خلو من القشطه شويه نبوها لى بعدين
بعدها ناخدو هديكه شكلاطته ونزيدو نجرها بى الفاضل من القشطه نخلطوها كويس وبعدها ندير طبقه فوقها
بعدها نرد الجزء التانى من كيكه ونغطوها من فوق كلها بكراميل الى هوا حليب نستله الى غليناه
بعدها نزينها بكريمه وشكلاته زى هذا
وان شاء لله الف صحه وعافيه
ولى عوده معا باقى اخترعاتى
ومتنسوش تقولو شن نسمو الكيكه؟؟؟
اى سؤال انى فى الخدمه ..
فى حفظ الله