كيف حالكم وش أخباركم
أنا قد كتبت موضوع<<كرات البطاطس>> لكن أغلب الردود قالوا الصور ماطلعت فحبيت أكتب الموضوع من جديد وأحط الصور في المرفقات
المهم ما أطول عليكم
اليوم جايبه لكم كرات البطاطس والله إنه تجنن وبتقوطر سعابيلكم وأنتم تناظرونها
نبدأ في الطبخة
بطاطس مسلوق في موية وملح حسب الكمية إللي تبينها
ثم تهرسينها وتعجنيها بقشطة ونص ملعقة فلفل أسود
وأخلطيها بيدك لين تتجانس وبعدين كوريها كور متساوية ثم إحمسي دجاج مقطع صغير يثوم وبصل وإبهارات بالطريقة المعتادة مثل الصورة اللي في المرفقات
ثم جيبي صينية بايروكس وحطي الدجاج أول وقطعي شرايح فلفل رومي فوقهن
ثم صفي كور البطاطس فوقهن مثل الصورة اللي في المرفقات
ثم إخلطي علبتين قشطة وأربع ملاعق جبن سائل مثل الباشامل وصبيهن على الكور مثل الصورة اللي في المرفقات
ثم دخليها في الفرن 5 دقايق في الأسفل
ومن فوق لين تشقر أو تتحمر مثل الصورة اللي في المرفقات
إختكم بهبهانة
لاتنسونا من ردودكم وقولولي وش رايكم فيها
ولا تنسونا من دعائكم
والسلام عليكم
