ازيكو يا فتوكاتى
جبتلكو انهرده طريقه الممبار الضانى اولا نضفته وبعدين طبخته وهوريكو معايا بالصور نضفته وقلبته ازاى
اولا قبل ما اقلبه فتحته ونضفته من جوه
بعد كده طريقه قلبه هتجيبى طرفه وتفتحيه وتقلبيه اكنك بتشمرى
ووتفضلى تشمرى فيه لحد ما ينقلب معاكى ولو لقتيه ماسك فى بعضه جيبى اول طرفه منه وحطيه تحت الميه هيفتح معاكى
وتغسليه كويس اوى بس فى مصفى لان لو حطتيه فى طبق او حاجه هتضطرى انك تفضى منه الميه وهيقع منك واكيد مش هتعرفى تمسكيه
وبعد كده صفيته وحطيت عليه ملح ولمون
وبعد كده عملت الصلصه بتاعت الحشوه
هنجيب بصلتين ونفرمهم ونحطهم مع سمنه او زيت على النار لحد ما يحمر شويه
وبعد كده نفرم طماطم بس من غير ما نضفيها ونضيفها عليه
وبعدين نسيبها لحد ما تتسبك
فى الاثناء دى بقه نحضر باقى الحشوه
وهى المقادير
ارز مغسول كويس – بقدونش وشبت – والصلصه طبعا الى عملناها – وملح وفلفل اسود – وكمون- ومكعب مرقه دجاج
ودى الصلصه بعد ما استوت
بعد كده نجيب طبق واسع ونحط فيه الرز ونفرم عليه الشبت والبقدونس
وبعدين نحط عليهم الصلصه والملح والفلفل الاسود والكمون ومكعب مرقه الدجاج
وبعدين نقلبهم كويس اوى
خليكو معايا اوعو تمشو
لسه فى باقى
بس يا ريت يا جماعه محدش يرد دلوقت عشان الموضوع مش يتلخبط