اولا المقادير
كيلو دقيق ولو بالكوب يبقى 5 اكواب دقيق
كوب لبن دافىء
ملعقه طعام ممسوحه خميره
ربع كيلو سمن او زبده
ربع كوب ماء
ملعقه صغيره ملح
سمسم وحبه البركه
يسخن السمن و تترك علي النار الي ان تغلي يجب ان يسخن ويغلى ولكن بدون ان يحترق بنسميه مقدوح
نعمل حفره فى الدقيق ونضع الملح والسمسم وحبه البركه وممكن تستعملى شمر وينس
وننضيف السمن الساخن
نقلب الخليط ولكن بملعقه خشبيه لانه حيكون ساخن طبعا
وبعد مايبرد نبس الدقيق يعنى ندعكه بالكفين جيد وبعدين نضيف اللبن ويكون مذاب فيه الخميره ولو العجينه محتاجه تانى نضيف ربع كوب الماء الدافىء ونعجن حتى تكون بهذا الشكل
نترك العجينه ترتاح عشر دقايق وبعدين نأخذ قطعه قطعه ونفردها على سطح مستوى
ونفردها جيدا ونقطعها مستطيلات بالطول
وممكن نحشيها تمر (عجوه هكذا
وده شكل العجوه بداخلها
ونبدأ برصها فى صينيه الفرن المبطنه بورق الزبده بدون دهانها ابدا ونغطيها ونتركها تخمر حوالى ساعتين
بعد ما تخمر ندخلها الفرن ونضعها فى الرف المتوسط على حراره 180 حوالى ربع ساعه وبعدين نفتح عليها الشوايه من فوق حوالى دقيقه واحده حتى تحمر
نرصها فى صينيه و هذا شكلها شوفوا لونها من تحت مثل فوق بالظبط
وتقدم مع احلى فنجان شاى
والف هنا وشفا يارب تعجبكم
من مطبخ نور الهدى من منتدي لك