بقولكم قصتي انا صار لي متزوجه سنتين ونص ولين احينه ما حملت مع ان مافي اي مانع من الطرفين وكل شي سليم والحمدلله
البدايه قلت بروح باخذ كلوميد شرات ربيعاتي وخذته خمس ايام لاول شهر وعلى طول سوالي hyperstimulation في المبايض والي سبب لي تكيس ويالله يا حلوه ابدي علاج التكيس الي يبتيه لنفسج
يعني مو الكل يناسبه الكلوميد
المهم تعالجت وخاز الحمدلله
قلت ليش ما اسوي تلقيح صناعي حلووو
سرت عند عواطف البحر وسوت لي اول مره وما نجح ولله الحمد
قالت لي عيديه قلت تمام مافي مشكله
المهم بدت تعطيني الادويه المنشطه ومن حظي الحلو طبعا بالعكس كانت مزجمه هاك اليوم فاظن كان مخها موب وياها
عطتني الجرعه وانا اقولها يا دكتوره يا بنت الحلال يا بنت الناس الجرعه زياده قالت لي لا اوكي لا تحاتين
المهم الجرعه كانت زياده ومره ثانيه صار لي hyprstimulation وصارت البويضات عندي بالهبل وما تنعد وكبار كبااااار فوق بعض مثل عنقود العنب
روحها زاغت بس يودت عمرها جدامي وانا اصلا فالمجال الطبي واعرف هاي السوالف بس قلت ما بجادلها بالجرعه هذا تخصصها وهي تعرف
وطبعا كنسلت التلقيح هاك الشهر وعطتني دوا ينزل الدوره والحين صار لي ثلاث شهور اعاني من التهيج الي صار للبويضات يعني ثلاث دورات وبعده المبيض متروس بويضات ورحت عند دكتورتين الكل يقولي انتي وايد محظوظه انه جسمج ما تنفخ ماي من الجرعه الزايده لان في بنيه من العين جيه صار لها والحين تتعالج في توام من الماي الي ترس جسمها
طبعا هي قالت لي شو رايج اسحب لج البويضات واسوي لج انابيب لانهن كانن وايد وكبار بس انا عاد خلاص سويت عليها اكس اكس اكس
احين ريلي يقولي نسوي انابيب عند دكتور محمد وانا ما ادري الصراحه قلت باستخير احسن قبل وربي يجدم الي فيه الخير والله يرزقني واياكم ان شاء الله عاجلا غير اجل