هذي تجربتي أول مرة أطرحها ، إقروها للآخر و بإذن الله تفيدكم .
أنا كنت أحف المنطقة الحساسة بعكس نمو الشعر ، وفي كل الإتجاهات
إستخدمت التالك مع الحف بالناشف/ إستخدمت الحف بالزيت / بالغسول / بالشاور جل
النتيجة ديما نفسها : سواد ، والشعر يطلع ثاني يوم مثل الدبابيس يعورني ما أقدر أمرر إيدي على المنطقة
و يسبب لي حكة فظيعة
و حبوب مقيحة سببها إن الشعر يطلع تحت الجلد و أضطر أفقيها عشان الشعرة تطلع
و إلا الحبة تكبر و معها تزيد الحكة .
جربت الحلاوة مرة وحدة بحياتي ويا ليتني ما جربتها،
النتيجة ألم فظيع لمدة أسبوعين و المصيبة الكبرى إحتقان الشعرة
تحت الجلد على شكل حبة كبيرة تعور مرة ، وتاخذ أسبوع أو أكثر عشان تظهر على الطبقة السطحية
للجلد و أقدر أفتحها عشان الشعرة تطلع .
شو الحل طيب؟؟
آخر يوم بالدورة غسلت المنطقة زين بغسول سيتيال
ونشفتها زين بمنشفة خاصة
و أخذت شوية تالك مررته على المنطقة كلها مع تدليك خفيف
و انتظرت 3 دقايق وبعدين بديت أحف ، لكن ركزوا زين على الطريقة ..
الحف لاااااااااااااااااازم يكون في اتجاه نمو الشعر وبس
لأن سبب ظهور الحبوب و الشعر تحت الجلد
هو الحف عكس نمو الشعر ، وهذا كلام طبيبة جلدية
ومثل ما تلاحظوا حتى لما نشيل السيقان أو أي منطقة بالحلاوة ولا بالشمع عكس اتجاه نمو الشعر
بيطلع الشعر تحت الجلد ويسبب حبوب وحكة ومسام تكبر كل مرة عن المرة اللي قبلها.
المهم الطريقة : كنت أحف وما استعملت ولا قطرة موية وحدة ، أحف و أنفض الموس وبس لين ما خلصت ، وغسلت المنطقة بمنقوع المر و نشفت زين وخلاص، لا دهنت ولا حطيت شي .
و يشهد علي الله يا بنات إن ما ظهرت لي ولا حبة وحدة ولا شعرة وحدة تحت الجلد ما شاء الله تبارك الله ،
و أحلى شي إن الشعر نااااااعم و نموه بطيء .
الحين صار لي أسبوع من يوم سويتها ، الشعر طوله 2 ملم وبس ما شاء الله .
رغم إنه من قبل كان يطول 1 سنتم بيومين بس . وكنت أضطر أحف كل يومين ولا 3 بالأكثر .
أنا الصراحة انبهرت بالنتيجة وقلت أكتبها لكم عشان تستفيدوا . وما أبغى منكم غير دعوة صادقة
إن الله يشفيني شفاء تاما و يرزقني الخير حيث كان ثم يرضيني به .
للمعلومية ، أنا جربت قبل ها المرة أحط التالك و أحف عكس نمو الشعر ، لكن النتيجة ما تغيرت : حبوب وحكة
يعني السر في الحف باتجاه نمو الشعر.
و اللي بتحف باستعمال النشا تجرب الطريقة هذي و إن شاء الله تنفعها
أي سؤال يا بنات أنا جاهزة
ودعواتكم .
اعاني من هالمشكله من زمااااااان وكل ماتقدم لي واحد ارفضه بسبب هالشي
بس ابيك حبيبتي تقولين لي اسامي الكريمات والغسول الي تستخدمينه في اسرع وقت لاهنتي
مشكوره مره ثانيه وربي يوفقك في كل حياتك