وحشتوووني قوي…
انا لقيت الفتوكات ليهم اسئلة كتير عن الميك اب من اوله لأخره فجمعتلكم عصارة خبرتي:mood3: و كل اللي أعرفه عن الميك اب و خطواته و افضل انواعه….الحمد لله تعبت فيه قوي…و أي سؤال عن أي حاجة اكتبوه و انا أرد عليه فورا ان شاء الله بحيث يكون موضوع كامل متكامل أي واحدة تدخل تلاقي اللي عيزاه
هنقسم الميك اب لكام جزء…وطبعا هنبدأ بالبشرة و الأساس…
مهم جدا قبل اي حاجة نعرف طبيعة بشرتنا عشان نقدر نشتري المنتجات المناسبة لينا
1-ازاي اعرف نوع بشرتي ايه؟
الموضوع سهل قوي,في 5 انواع للبشرة:
1-البشرة الدهنية: و دي فيها المسام بتبقى واسعة, و تلاقي وشك مزيت كتير, و طبعا اكيد بيطلع حبوب و طلع فيها حبوب في وقت من الاوقات, و طبعا المسام الواسعة بينتج عنها الرؤوس السودا بسبب تجمع التراب فيها
الميزة الوحيدة للبشرة الدهنية هي انها بتعججز متأخر بالمقارنة بالبشرات التانية و بيتأخر فيها ظهور التجاعيد
2-البشرة الجافة: و دي لما تلاقي الجاد بيقشر و خصوصا في الشتا و الجلد بيبقى مشدود جدا و قاسي شوية,طبعا بترتاحي من الحبوب و التزييت بس محتاجة ترطيب دايم و عكس الدهنية ,جفافها بيسرع بعملية التجاعيد و على طول محتاجة مرطبات…
3- البشرة المختلطة : باينة من اسمها , جزء بيبقى جاف و جزء بيبقى دهني, و الجزء الدهني بيبقى منطقة ال t-zone اللي هي الانف و الجبهة و كمان الذقن…مش بيبميزها حاجة الا انك محتاجه تعتني بكل حتة على حسب طبيعتها
4-البشرة العادية: اللي كلنا بنحلم بيها…ولا جافة ولا دهنية ولا فيها حبوب و بيبقى الجلد طري و مشدود مش مترهل…و دي بس محتاجة عناية بسيطة للحفاظ عليها
5-البشرة الحساسة : دي مش بتبان بالنظر قد بيبان تأثير الجو عليها,لانها بتتأثر جامد و بسرعة يعني بتحمر لمل تتعرض لدقايق في الشمس,بيحصل حساسة عند استخدام مستحضرات او ميك اب ,ممكن حتى يظهر حبوب او بقع عند التحرض للتراب او السقعة..
بعد ما عرفتي بشرتك نوعها ايه,هتخدي بالك و انتي بتشتري المنتجات, يعني للبشرة الدهنية هتدوري على كلام زي oil-free او shine control دي كلها بتعني المنتجات مش بتزيت او بتساعد على تقليل افرازات الدهون
و خلى بالك مش معنى انها دهنية يبقى منرطبهاش لأ برضه تترطب بالمنتجات المناسبة اللي مكتوب عليها for oily skin
ممكن تكون بشرتك دهنية لفترة معينة زي الحمل او المراهقة او لو بتخدي حبوب منع الحمل او بتعملى رجيم ممكن يغير في الهرموانات و ده يأثر على بشرتك
و اهم حاجة و انتي بتغسلي وشك ماتدعكيش جامد طبعا انتي عايزة تنضفيها كويس بس الدعك ده برضه بينشط الغدد انها تفرز الدهون أكتر
2-ايه احسن المنتجات للبشرة الدهنية ؟
1-صابونة دوف Dove White Beauty Bar
جميلة و مناسبة عشان نسبة الترطيب فيها مظبوطة للبشرة الدهنية
2-غسول نيوترجينا للحبوب 
Neutrogena Salicylic Acid Acne Treatment
3-سكرب من كلين اند كلير للرؤوس السودا 
Clean & Clear Blackhead Clearing Scrub
4-غسول منظف من كلين اند كلير 
Clean & Clear Foaming Facial Cleanser
5-تونر من نيوترجينا خال من الكحول 
neutrogena alcohol-free toner
7-ماسكات الطمي و الطين 
mud and clay masks
طبعا المنتدى مليان وصفات للبشرة الدهنية بس في وصفة مجربة :
اطحني اسبرينات و دوبيهم في كام نقطة ميه, حطي كام نقطة عسل عشان يكون زي المعجون..وضيفي كام كبسولة فيتامين E لو عندك و سهل تجيبيها من الصيدلية..
ممكن تستخدميها سكرب و تدعكي بيه وشك او ماسك تحطية و تسيبيه ل 10 دقايق و بعدين تغسليه..هيبان نظافة الوش من الاوساخ و الدهون و الرؤوس السودا
اضربي بياض بيضة و افرديها على وشك و سيبيها ل 15 دقيقة هتشد الوش و هيرطبه…
البشرة الجافة زي ما قلنا محتاجة ترطيب دايما و خصوصا فى الشتا…و ممكن البشرة تقلب جافة مع تقدم العمر حتى لو كانت نوع تاني و انتي صغيرة
3-ايه احسن المنتجات للبشرة الجافة ؟
1-مرطب من كلينيك 
Clinique Dramatically Different Moisturizer
2-مرطب من اولاي 
olay complete all day face moisturizer
3-صابونة زبدة الكاكاو من بالمرز 
Palmer’s Cocoa Butter Formula, Cream Soap Bar with Vitamin E
4-لوشن من اولاي 
Olay Regenerist UV Defense Regenerating Lotion SPF 15
5-كريم مضاد للتجاعيد من نيوترجينا 
Neutrogena Healthy Skin Anti-Wrinkle Cream
6-جيل مرطب من كلينيك
Clinique Dramatically Different Moisturizing Gel
وعموما الزيوت المرطبة كلها مناسبة للبشرة الجافة, و برضه منتجات زبدة الكاكاو زي فازلين الجديد,زيت الزيتون و زيت الالو فيرا برضو حلوين للبشرة الجافة
————————–
البشرة العادية تناسبها معظم المنتجات زي منتجات دوف و اولاي
اما للبشرة الحساسة فالافضل تروحي للدكتور و هو يقولك على المنتجات المناسبة على حسب درجة حساسية بشرتك لان معظم المنتجات مليانة بالعطور و الكيماويات و الكحول اللي ممكن يسبب رد فعل على بشرتك