ازيكم يا أجمل بنات
دلوقتى بعد ما عملنا اول خطوة فى المكياج اننا نحط كريم الأساس و اتعلمناها فى الموضوع ده
ازاى تحطى كريم الأساس – للمبتدئين – منتدى فتكات | منتدى نسائي للمرأة فقط
و بعد كده حطينا الكونسيلر عشان لو فيه اى هالات سودا يضيعها و ينور عينينا كده
ازاى تحطى الكونسيلر (خافى الهالات السودا ).. للمبتدئين – منتدى فتكات | منتدى نسائي للمرأة فقط
__________________________________________________ _______________________
هنستخدم ايه بقى :
1- البودرة
2- الاسفنجة اللى بتبقى جاية مع علبة البودرة او بيسموها البدارة ( مش بحب استخدم الفرشة )
:
2- بالاسفنجة بقى ابداى اضغطى بالراحة على وشك ( اكنك بتطبطى عليه – راجعى طريقة الطبطبة :87:) – اوعى حد فيكم يدعك
3- استمرى على وشك كلة تاخدى مسحة بسيطة من البودرة و تحطى لحد ما يبقى منظر وشك كله متناسق مع بعضة ( الانف – الخدين – الجبهة – الدقن – رقبتك لو هتبان )
4- لما تيجى عند عينيكى حطى مسحة خفيفة كده قوى ( محدش يكتر عشان ميبناش تحت العين و بيبقى شكلة مش ظريف – و بالراحة محدش يفترى عند عينيه )
5- خلاص خلصتى وشك كله – امشى بالاسفنجة على وشك كله كده خفيف خالص خالص من غير ما يبقى فى الاسفنجة بودرة بتعملى كده عشان بس تشيلى اى حاجة زيادة
و خلاص كده خلصنا :202:
ملاحيظ مهمة :150: :
فيه نوعين من البودرة : بودرة سايبة و بودرة مضغوطة ..ايه الفرق بقى ؟؟
البودرة السايبة : ممكن تحطيها لوحدها كده لو عاوزه تحطى ميك اب خفيف من غير كريم اساس و ممكن تحطيها عادى بعد كريم الأساس و بعد كده يبقى معاكى المضغوطة بقى تصلحى بيها المكياج بقيه اليوم
البودرة المضغوطة : زيها زى البودرة السايبة بس بتبقى مضغوطة عشان تدى فعالية اكبر فى انها تمتص الزيوت الزيادة عشان كده بتستخدم للى بشرتهم دهنية
طب من الآخر انتوا تستخدموا ايه فيهم ؟؟
و الله اللى عندها القدرة المالية انها تجيبى بودرة سايبة و كمان واحدة مضغوطة عشان تدى بيها اللمسات الأخيرة يبقى خير و بركة
بس الصراحة انا مش لاقيه فايدة قوى انك تجيبى الاتنين يعنى من الأخر البودرة المضغوطة بتخلص بس يكون نوعها كويس و نضييف احسن ( بس طبعا بشرتك دهنية = بودرة مضغوطة )
ايه انواع الماركات الجامدة :
نيفيا ( روعة و انا بستخدمها ) – بورجوا – ماكس فاكتور – ريميل
و فيه برضه ماركة كانت كويسة الى حد ما اسمها سارة و اويفليم برضه كانت كويسة