الحمد لله
انا كمان تمام الحمد لله:thumbs:
بما انه الصور من الموضوع القديم اتمسحت وصارت اكس احمر:tears:
اليوم جبتلكم الموضوع من جديد وبالصور وموضح اكثر من جهدي الشخصي يعني مو شخصي شخصي :21_209:
يعني انه جمعتلكم الصور والمعلومات من مواقع اجنبية
وتعبت في ترتيبها وكتابة الموضوع:21_207:
فهمتوا كيف شخصي يعني؟؟ :yes:
يعني بليز لااحد ينسب الموضوع لنفسه اوكي ؟؟؟
بنات الي تعجبها طريقتي وتسويها تدعيلي انه ربي يفرج لي كل هم وغم
ودي امانه اسألكم عنها يوم الدين :21_8:
ولو اتنقل الموضوع لازم تكتبوا انه تدعولي لان زي ماقلت امانة :yes:
المهم ندخل في الموضوع:sa31:
جبت لكم طريقة الهايلايت بالقصدير يعني من اليوم ورايح مافي صرفيات حق الصبغ اللي عند الصالونات :sa24:
الاشياء الي راح تحتاجوها:shy:
مشط بسن في النهاية زي كدا
اكسجين من الصيدلية او من محلات التجميل
درجات الاكسجين
20% للبني الغامق والدرجات الغامقه (مع العلم انه الاسود حراموللتبرئة ذمتي)
30% للدرجات المتوسطة يعني زي درجات البني والاحمر
40% للخصل الثلجي وللدرجات الفاتحة والاشقر
الكمية المستخدمة منالاكسجين للصبغة 60 مل من الأكسجين لكل عبوة صبغة واحدة
وطبعا قصدير تقصوه علىشكل مربعات او مستطيل على حسب طول الشعر
والصبغات الي انتو تبغوها
يعني ممكن تحطو لون واحد وممكن لونين وممكن 3 الوان يعني الي تبغوه
كمية الصبغة للشعر الطويل والقصير :
الشعر الطويل من 4 إلى 5 عبوات
الشعر المتوسط 3 عبوات
الشعر القصير عبوتين او عبوة
وفرشة لصبغ الشعر تلاقوها في الصيدلية او محلات التجميل
و4مساكات عشان تمسكو فيها اقسام الشعر زي كده
ومساكات كثيرة زي كده
وسفرة عشان ملابسكم لاتتعدم
وفازلين تحطوه على جبهتكم وعلى الرقبه من الخلف للاحتياط عشان اذا اتسربت الصبغه على برى لاينصبغ بشرتكم:eeksign:
دي الاشياء الي انتو تحتاجوها عشان الميش
نجي للطريقة:sm2441:
تخلطو اللون الي انتو تبغوه بالاكسجين زي ماكتبت لكم فوق اذا لون غامق 20% واذا فاتح …الخ وبالكمية الي قلتها
بعدين تقسمو الشعر لاربعه اقسام قسم من فوق الراس وكل قسم يتمسك بمساكة
(من بداية الجبهه الى منتصف الراس)
وقسم من مؤخرة الراس
(من منتصف الراس الى الرقبه )
وقسمين الي هما جوانب الراس
وهذ الصورة توضحلكم ان شاء الله
بعدين نبدا بوضع الصبغة على القسم الاول
( الي هوا من منتصف الراس الى المؤخرة{
وانتبهوا :sa23: من منتصف الراس الى مؤخرة الراس
زي ماانتو شايفين ناخذ خصلة بالمشط من منتصف الراس
ونحط القصدير من تحتها وبعد ماتحطو الخصلة فوق القصدير
تدهنوها باللون الي انتو تبغوه بالفرشة
(طبعا الشعر من فوق الراس نمسكه بمساكه )
حاولو انكم تبعدو 2سم ولا 1 سم عن فروة الشعر
عشان لاتعدمو الفروة وبصيلات الشعر
عرض الخصله على كيفكم
ممكن تاخذو خصلة كبيرة وممكن خصلة رفيعه يعني
زي ماانتو تبغو الشكل كيف يكون
بعد ماتدهنو الخصلة تطبقو القصدير على الخصلة بشكل مظبوط
بحيث انه الصبغه ماتتسرب على بقية الشعر
بعدين
تاخذو خصلة زي مافي الصورة
وطبعا الخصله اللي بعدها ماراح تصبغوها
وتجيبو المساكه تمسكوها في القصدير الي عملتوه
عشان ماتنصبغ مع الخصله اللي بعدها وتسهل لكم صبغ الخصلة الي بعدها
(ماتصبغوها في حالة اذا كنتو بتصبغو بلون واحد امااذا لونين حتكون الخصلة هادي بلون التاني يعني تجيبو قصدير وتحطوها فوقه وتدهنوا باللون الثاني )
(طبعا القصدير يكون ملفوف مظبوط بالخصله عشان لاتتسرب الصبغه على باقي الشعر )(r)
وزي ماانتو شايفين تسوو نفس الطريقه من نصف الراس الى مؤخرة الراس
بدون جوانب الراس ولا فوق الراس
لاتنفجعو ترا هادي مو انسانه حقيقية دي.. ماعرف ايش اسمها:2_106::naughty:
الصورة الي فوق من الجنب عشان توضح لكم اكثر
دحين نبدا من جوانب الراس
ونعمل نفس الطريقة:idea:
وطبعا اذا كنتو صابغين اكثر من لون راح تكون خصلة باللون رقم 1
وخصلة باللون رقم 2
(يعني ماتسيبو خصله مهي مصبوغه يعني الخصلة الي قلت لكم ماتصبغو تصبغوها باللون رقم 2)
والخصلة الي بعدها باللون رقم 3 او زي ماتبغو انتو الشكل الي يكون…
وتعملو الطريقة هادي اليييييييييين ماتخلصو جوانب الراس
هناتكونو مخلصين من من جوانب الراس ومابقي الا مقدمة الراس من فوق
بعدين زي ماعملتو الخصلات الي قبل تعملو مقدمة الراس
واخر خطوة راح يكون منظركم زي كده
حلو صح ؟؟؟؟
تقعد الصبغة في الشعر على حسب مو مكتوب في العلبة حق الصبغة او انكم تاخذو خصلة من الخصل الي عملتوها في البداية(الي من منتصف الراس الى مؤخرة الراس)
تفكوها من القصدير وتشوفو طرفها اذا زي الدرجه الي تبغوها ولالا
اذا نفس الدرجه الي انتو تبغوها تبداو تفكو الصبغه وتغسلو شعركم
اذا لسه ماوصل للون المطلوب تصبروا عليهاكمان الى ماتوصل للون المطلوب
دا بالنسبة للوقت اما بالنسبة لمن تفكو القصدير لازم تبداو من اول خصلة عملتوها مو تروحو تفكو خصله من فوق الراس ولا من الجوانب اول شي لا طبع الازم بالترتيب عشان يطلع لون الخصل نفس الدرجه
يعني اول شي من منتصف الراس الىىىىى المؤخرة بعدين بالجنب الي بداتو بعد منتصف الراس بعدين الجنب الثاني بعدين من فوق الراس والخصل لازم تنفك بالترتيييييييييييييييييب
حتقولي ليه بدانا بمنتصف الراس اول شي
اقولكم عشان اللون في هادي المنطقه مايبان كثير
يعني اذا اخذتو مده طويله في صبغ الشعر واللون في المنطقه هاذي فتح كثير ماراح تشيلو هم لانه الشعر من فوق الراس راح يغطي عليه والي من الجوانب كمان راح يغطي عليه اوكي
بعدين نجي لطريقة غسل الشعر
دحين انتو شفتو اللون الي من منتصف الراس الى المؤخرة وعجبكم بعدين تروحو تفكو القسم دا (من منتصف الراس الى المؤخرة)وتغسلوه بعدين تشوفو اللون في القسم الي بعده اذا عجبكم تغسلو وبعدين القسم الي بعده والي بعده:poster_dots:
واحب في النهايةاقلكم نصيحه قبل ماتعملو الصبغة
لاتتروشو يعني خلو شعركم مزيت عشان لاينعدم كثير:poster_vt:
وقبل لاتبداو سمو بلله وقولو دعاء تيسير الامور الصعبة
(اللهم لاسهل الا ماجعلته سهلا وانت تجعل الحزن ان شئت سهلا ربي اشرح لي صدري ويسر لي امري واحلل العقدة من لساني يفقهه قولي )
واتوكلو على الله وابداو الصبغة
ونصيحه تانية قبل لاتروحو تشترو الالوان
صلو استخارة في الالوان الي تبغوها عشان اذا كانت تناسبكم ربنا ييسرها واذا لا ربنا ييسر لكم الالوان الي تناسبكم <<< النصيحه هاذي مجربه وفعاااااااااله:iagree:
دحين اوريكم الشكل النهائي:gum:
دا الشعرلونين خصله لون بني فاتح وخصلة لون اشقر يعني الشعر كله مصبوغ
والخصل كبيرة يعني لمى تاخذو الخصل بالمشط ابو سن تكون كبيرة
ديا لصبغه درجه وحده للبنات الي شعرهم اصلا اسود او بني غامق
يعني خصله لون ثلجي وخصلة مهي مصبوغه
اللون دا روووووووووعه مرا عجبني وكمان اذا لاحظتوا انه الخصل المصبوغه نحيفه يعني في هاذا الشكل الخصله لمن تاخذوها تكون رفييييييعه :poster_dev:
وبس وسلامتكم:ongue:
وفي النهاية اقولكم ادعولي هاه لاتنسو ترا امانه ؟؟؟؟:cool2: