انا كتبت رد حق وحده من البنات كانت حاطه موضوع انها تريد حد يخبرها كيف تلبس
المهم انا شفت انه ردي ممكن يفيد البنات وانه فيه أمر بالمعروف فقلت بحطه كموضوع جديد
بس ما فيني اغير فيه ….. انتوه اقروه وان شاء الله تستفيدون
واريدكم بعد ما تقرونه تقولولي رايكم يعني هل تعتبرون هالمنظر غريب او لا ….
عالعموم انا مقتنعه فيه بس يمكن تكون ردودكم مشجعه ومحفزة للبنات المترددات فحبيت تشاركونا
وهنيه يبدا الكلام ………
انا البس اول شي الشيلة
وبعدين اربط النقاب
ونوع النقاب بدون غشوة على ورا
يعني مجرد القطعه اللي تغطي الوجه والقطعه اللي تنربط على الجبهه ( فهمتيني خخخخخخخ )
وبخصوص القطعه اللي تغطي الوجه موصوله بلاستيك
على اساس اذا كنت في مكان ما فيه رياييل اقدر امطها لين تحت ويهي واقدر ارجعها بكل سهوله
المهم خلصنا من الشيلة والنقاب بعدين احط قطعه صغيره فوق راسي
هيه تكون خامتها نفس نوع الشيل وهيه طبقة وحده وتفصلينها مربعه وبخبرج شوه وظيفتها بعد شوي
المهم
بعدين احط عباة الراس المسكرة
ونوع عباتي اللي فيها ايد واسعه
يعني مش من النوع اللي كااااامل واسعه نفس البحرينيات ( لاني ما قدرت البسها عورني راسي وبعد تميت ادوسها من الاطراف وايلس عليها وما اروم اتحرك )
اما عباة الراس اللي البسها مثل ما قلتلج فيها اكمام
( وفيه بعض البنات يلبسن عباة الراس اللي فيها ربطة من داخل عشان يربطنها على راسهن بس انا ما جربتها … هيه تطلبينها من المتحجبه )
والبس قفازات سود طوال عشان ما تظهر ايدي حتى لو اتحركت …. وطبعا عباة الراس في ايدها خيط تدخلينه في احد الاصابع …. كله هذا عشان الستر …. الله يستر علينا في الدنيا وفي الاخره ويرضى عنا …. ويرحمنا
والبس دليغات سود …. لانه الريول حرام تطلع
وما ادري ليش البنات واااااااايد متساهلات في موضوع ريولهن
والله يوم ينزلن من السيايير وضعهن محزن جدا جدا
بخصوص القطعه المربعه اللي احطها على راسي
وظيفتها انها تظهر شوي عند بداية الراس فتعطي نوع من التغطيه كأني لابسه كاب فهمتيني
يعني اتخيلي لو اني مش لابستنها بتكون فتحة عيوني بارزة واااايد لكن هاي القطعه تعطي تغطيه ويوم ابى اغطي عيوني اكثر امطها لجدام بسرعه
لكن مشكلتيه اني اريد اتغطى اكثر ….. اريد اغطي عيوني دوووم وما اظهرهن الا يوم اكون اريد اشوف شي مهم
واريد اودر النقاب والبس غشوه وما تكون من النوع الشفاف
لانه الغشوه بتحافظ على بشرتيه اكثر من النقاب …. تعرفين النقاب وقت الحر وجيه يحتك وايد بالويه
وان شاء الله تنحل مشكلتيه
والبسي اللي تشوفينه صح وما عليج من حد واعتبري نفسج لابسه تاج الوقار
والله انه المحتشمه واللي طايعه ربها احسن من المتبرجه
وبتشوفين احترام الناس لج وبتشوفين كيف تعامل الرياييل معاج
واتذكري دايما ( من ترك شيئا لله عوضه الله خيرا منه )
وما خلقت الجن والانس الا ليعبدون ….. وحجابج عبادة يا غاليه
والنعيم لا يحصل بالنعيم
اللي تبى تتنعم في الدنيا وتتنعم في الاخره هاي تطلب المستحيل
ومن لاح له الاجر هانت عليه التكاليف
وبإذن الله موعدنا الجنة يا حبيبتي
وعلى فكره باحتشام البنت وبحجابها الصحيح تعتبر كأنها منبه للصلوات وتذكير بغض البصر وأمر بالصلاح
لانها تمشي في كل مكان وكأنها تدعو للاسلام بصمت
وكأنها تخبر الرجال والنساء بوقت الصلاة
وكأنها تأمرهم بالمعروف وتنهاهم عن المنكر
من جهه أخرى ….
امر محزن شفته امس في المول وبالمره ما عجبني ( شاب مواطن ملتزم لحيته طويله وعليه سيمى الصلاح …. ومعاه حرمه اعتقد متغشيه ما انتبهت زين بس عباتها ضيقة شوي وراسها كبر الجبل …. وشكلها تودين لو كان افضل
هاه شوه رايج ينقال عنج مثل هاي ولا مثل امهات المؤمنين والصحابيات الطاهرات العفيفات ….. مع انه هاي اللي طريتها تعتبر متغطيه بس بعد تودينها لو كانت احسن من جيه
فما بالج بغيرها للأسف
ظاهره منتشره وابتعدن عنها يا بنات ( انتشر انتشار كبيييييييير ترك النقاب والغشوه …. وصارن البنات واااايد وايد يمشن شلل في الاسواق والمولات وويوهن برا وحاطات مكياج ….. الله المستعان )
يقول سبحانه وتعالى في سورة المائدة: ﴿قُلْ لا يَسْتَوِي الْخَبِيثُ وَالطَّيِّبُ وَلَوْ أَعْجَبَكَ كَثْرَةُ الْخَبِيثِ فَاتَّقُوا اللَّهَ يَا أُولِي الأَلْبَابِ لَعَلَّكُمْ تُفْلِحُونَ﴾(1). فيضرب الله مثلاً للتمييز بين الخبيث والطيب. وهما مصطلحان عامان، يندرج تحتهما المال وحرامه، وصالح العمل وفاسده، وجيّد الناس ورديئهم، وصحيح العقائد وفاسدها.
فكوني دائما من جيد الناس …… وبالتوفيق يا غلاي
اريد اضيف شي على الكلام ….. انا في الزيارات النسائيه … الحمدلله اكون كاشخه ومترتبه وحتى اكون
OVER
خخخخخخخخخخخخ لا يعني اقصد اكون ترتوب الحمدلله ودايما انسأل من وين هذا وشوه هالحركه العجيبه ودايما يقولولي اني متميزه في كشختيه …. هههههههه انا ما امدح عمري من غرور بس ابى اقولكم انه المحتشمة في الاماكن الصحيحه تراها بعد كاشخه في الاماكن الصحيحه
وانا ادري انه فيه ناس اكشخ عني ….. لكن كل شي باعتدال … بعد انا ما بتم اربع ورا كل شي ينزل ولا تراني بعدين بستوي عبدة للموضة ( تعس عبد القطيفة )
أشكر الاخت
E.Q
لأنه الصور سرقتهم من موضوعها هههههههه