باحط لكم كبسة الفجر عاد اول مرة بحياتي اسوي رز باخر الليل
شوفوا الساعه كم وانا بالمطبخ
اخوي الله يسعده قام من النوم جيعااااااااااان مرررررة
وشافني صااحيه تحمس الرجال وراح جاب الاغراض حقت الكبسه
واصر اني اطبخ ماقدرت افتك منه :44:
عاد قلت اطبخ وامري لله
وهذي السفره قبل المقاادير..
نجي للمقاادير..اولا الدجاج
دجاج حسب الافراد انا استخدمت ثنتين
قسمتها لنصين ونزعت الجلد ونظفت الدجاج زين زين وانتي بطريقتك بليمون او ملح او دقيق
تاخذي زبديه وتخلطي التالي ( 2 ملعقه بهارات مشكله +1ملعقه فلفل اسود +عصير نص ليمونه +ملح
+ 2 ملعقه صوص الصويا +م صلصه +علبه زبادي ) وتخلطيهم زين
الزبادي مهم يطلع لك نكهة الدجاج زي حق المطاعم ولو عندك سماق ضيفيه
وتبلي الدجاج من فوق وتحت ومن الجنب
بكذا الدجاج يصير جاهز
خذي صينيه كبيرة رصي فيها الخضار اللي متوفر عندك
((شرايح بصل و وفلفل رومي وبطاطس))
وحطي فوقه الدجاج واذا بقي عندك من التتبيله صبيها بالصينيه
وحطيها بالرف المتوسط وولعي من فوق وتاخذ معاك ساعه الا ربع تقريبا
لاا تقولين انه بينضج السطح بس..لاا رح تنضج الدجاجه تمام
بس انتي عطيها وقتها
طريقه الرز…
طبعا تكوني مجهزة المقدار اللي يكفيكم وغاسلته وناقعته من وقت
تاخذين قدر مناسب وتحطين
بصله متوسطه مقطعه صغار وشرايح فلفل رومي وشوي زيت
وكشني البصل لين تفوح ريحته واضيفي عليه 2 مكعب ماجي ورشه هيل
وزنجبيل مطحون وقلبي لين يذوب الماجي واذا نشفت معاك اضيفي عليها مويه شوي
بس
صفي الرز واضيفه على الكشنه وقلبيها زين لين يمتزجون مع بعض
واضيفي ماء حار مناسب لنضج الرز واضبطي الملح
اول ماتنشف موية الرز اضيفي عالوجه شوي موية كادي وشوي مويه ورد
ورشي عالوجه صفار الزعفران او اي ملون طعام
وغطي الرز الين ينضج تماما ..بعدها قلبي الرز بالشوكه الين يمتزج الرز
الابيض والاصفر
احفري حفرة بالوسط وحطي زبديه وسط فيها زيت وقطعه صغيرة زبدة وشريحة بصل
وحطي عليها الجمرة واكتمي الرز تمام
واستمتعي بريحة المدخن اللي تجنن
خلااص لا نضج الدجاج ونضج الرز حضريها طبعا بتزيينك اللي تحبيه
ورشي عالدجاج من الخلاصه اللي بتلااقينها بالصينيه
وهذي صورة الصحن من قريب..
وهذي السلطات
السلطه الخضراء اخوي مسويها قال بيساعدني
المعذره ماصورت الخطوات كنت مستعجله ابي اخلص بدري
بس طلعت لذييييييييييذة جدا جربوها مارح تندموا
وبالعافيه على قلوبنا وقلوبكم