ده اول موضوع لي هنا ويا رب يعجبكم
هعملكم فراخ مشوية على طريقتى
اول حاجة لازم نتبل الفرخة قبل ما نسويها بيوم
للتتبيل
بصله كبيرة – 2 ليمونة متوسطة – ملعقة قرفة – فصيين توم – ملح – فلفل
كله مع بعضه فى الكبه او المطحن وعصير الليمون ونخلى القشر حنتاجه
هنتبل الفرخة كويس اوى من تحت الجلد
وبعدين هنجيب صنية وزجاجة مياه غازية زجاج مش بلاستيك
هنملى الزجاجة ميه ونملى نص الصنية تقريبا ونحط الزجاجة فى الصنية ونحط قشر الليمون عشان الصنية ما تسودش بالشكل ده
بعد كده هنحط الفرخة فى الزجاجة مش جوة الزجاجة من بره يعنى بالشكل ده
وبعدين هندخلها الفرن نحطها تحت خالص ونشيل طبعا الشبكة لان الزجاجة مش هتنفع والشبكة محطوطة هى بتقعد فى الفرن من ساعة الى ساعه ونص حسب حجم الفرخة
نسيت اقولكم دى زجاجة صغيرة مش لتر عشان اللتر كبيرة اوى وكمان اوعى لما تطلعيها من الفرن تحطى الزجاجة على ميه ساقعة احسن تفرقع سيبيها تبرد برااحتها خالص
انا لسه ما طلعتهاش من الفرن بس لما اطلعها هصورهالكم
جربوها وبالهنا
