و اذا عجبكوا الموضوع عايزة تشجيع جـــــــــــــــــــــــــــامــــــــــــــــد جـــــــــــــــــــــدا
و تــــــــــــــــــقـــــــــــــــــــــيــــــــ ـــــــــــــــــــــــم ممـــــــــــــــــــــتــــــــــــــــــــــاز
معلومه مهمه
نضرب المكونات مع قليل جدا جدا من الماء بس عشان السكينه بتاعة الخلاط تتحرك و اللبن او الميه لو ضفناهم يبقى بعد ما نصب الخليط فى دورق و نزود براحتنا و نقلب بالمعلقه عادى جدا
لان
الماء مع السكر او اللبن وقط خلط المكونات بيعمل كميه هواء كبيرة و رغوة غير صحيه و غير طيبه الطعم
و موضوع الزبادى حسب الرغبه يعنى ممكن نعمل المشروب من غيرها
اللهم انى بلغت
اللهم فاشهد
عصير الموز باللبن "زبادو الموز"
نضرب الموز مع زبادى مع سكر حسب الرغبه او نستبدله بقليل من العسل الابيض
و نضرب كويس
و نضيف لبن شويه بشويه لغايه ما نوصل للطعم اللى نفضله
عصير الخوخ باللبن "زبادو الخوخ"
ننقى ثمرة الخوخ المستويه جدا اللى نلاقى فيها سوائل كتير و نقشرها و فورا نحطها فى الخلاط و نضيف عسل ابيض و زبادى ز نضرب و نرجع نزود اللبن شويه بشويه
عصير المانجه باللبن "زبادو المانجه"
بنضرب المانجه مع سكر و زبادى و لما نخلص بنضيف اللبن يدوى لغايه ما نظبط الطعم ما بين اضافه اللبن و السكر حسب الرغبه
"زبادو الجوافه" يختلف قليلا لاننا لازم نخلى الجوافه من البذر
كوكتيلات
عصير ليمون باللبن نضرب ليمون بقشره مع سكر و شويه ميه صغيريين جدا و نصفيه و نزود اللبن حسب الرغبه
عصير ليمون باللبن و الجوافه نضرب المكونات مع السكر و قليل جدا من النيه و نصفى و نضيف اللبن
عصير ليمون بالنعناع نضرب ليمون بقشره مع سكر و قليل من الماء و نصفى و نزود الميه و نحط معلقه من شربات النعناع او العكس نعمل كوبايه شربات نعناع و نعصر فيها ليمونه
عصير رمان بالليمون و الجوافه نضرب المكونات مع سكر و ميه و نصفيه
عصير طماطم بالليمون نسلق الطماطم و بعد ما تبرد نشيل القشره و بعدين نحطها فى الفريزر و بعدين نضربها مع السكر و عصير ليمون و نضيف الماء و نظبط الطعم
عصير جزر بالبرتقال نسلق الجزر بعد ما يبرد بنقشره بس لازم يكون مستوى جدا و نضربه مع سكر و نضيف عليه عصير البرتقال الفريش و نزود الميه
