مساء الخير حبايبي…
أن شاء الله تكونون بخير جميعا والله يرجعلنا توليب ويشافيها ويخليها لأهلها يااااااارب..
حبيت أكتبلكم طريقتي في تنظيف بشرة وجهي لأنها الأساس بنجاح مكياجي والكل يسألني عن صفاء بشرتي بعدها ويقولي أنتي مسويه تنظيف كله من الطريقة اللي أنظف فيها وجهي لأنها تخلي وجهك نظيف ويلمع زي البيبي وتحسين بشرة وجهك تتنفس بعدها وطبعا بعلمكم عليها وهي كيف تقدرين تنظفين وجهك بالبيت وتعمليله بخار وتنظيف بنفسك..
طبعا أنا والحمدلله لأن بشرة وجهي صافيه أستعمل مقشرات عادية يعني خفيفه واللي بشرتها فيها بثور وشوائب تختار مقشرات شويه قويه ولهذا الغرض ..ولأن بشرتي عادية فماأحتاج الأ أقشرها مره وحده بالأسبوع علشان تكون نضرة وتلمع والحمدلله:) ..
المهم بعلمكم بالأشياء اللي أقشر بها بشرة وجهي ..
-أولا لازم يكون عندك مقشر مناسب لبشرة وجهك ..(بالنسبة ليه أستخدم مقشر كلارنس وهوغسول للوجه بالبرتقال وفيتامين سي) وهذي صورته
.
-ممكن تستخدمين أي مقشر ثاني يعني الللي يناسبك فيه ماركات كثيييير حلوه من نيتروجينا وهمالايا وبودي شوب وجفنشي وغيرها
ممكن لوتبين تستخدمين قشر طبيعي تستخدمين السكر +زيت اللوز الحلو كمقشر بدل هذي الماركات ..:42:
-ثانيا.. منظف الحليب الخاص بالوجه ..
هذا طبعا للبشرة العادية والجافة وطبعا أنا أستخدمه لأن بشرتي عادية..وفيه نوعية للبشرة المختلطة والدهنية ..
-ثالثا..لازم يكون عندك قطع قطن وفوطه لزوم الشغل:22: ..
-موية الورد أخليها بارده ..
-قناع لسد مسام البشرة بعد التنظيف والبخار..(ممكن تستخدمين من الأقنعة اللي تنباع بالصيدليات لاكن أنا أسوي هذا القناع لسد المسام وهو (نشا ملعقة +ليمون نقطتين +لبن زبادي ملعقتين+خيار أبشره +موية ورد ملعقه )..
-وجهاز بخار للوجه واللي ماعندها تستخدم وعاء عادي تغلي فيه مويه وأعشاب وبيفي بالغرض..
الطريقة..
_نسخن كمية من الماء في وعاء ولك الحرية تحطين الأعشاب اللي تناسبك مع حمام البخار للوجه
أنا أحط نعناع ومرات بابونج ومرات بقدونس وممكن قشور برتقال وأخليها تغلي ..
_أخلط مقادير متساوية من المقشر سواء جاهز زي اللي أستخدمه أو بالبيت (زي ماوضحتلكم مثلا زيت اللوز الحلو+سكر )مع الحليب المنظف وأعمل فيها مساج للوجه بحركات دائرية لمدة دقيقتين بعدين أروح للوعاء اللي سخنت فيه الماء والأعشاب وأقفل النار عنه وأعرض وجهي للوعاء والمقشر فيه وأغطي وجهي بالفوطة وأنا فوق البخار وأتعرض للبخار لمدة 10 دقايق أو ربع ساعه ..
_ممكن تغطين عيونك بكمادات الشاي أو البابونج ..
_بعدين بعد ماتنتهي 10 دقايق تغسلين وجهك بالماء الفاتر يعني مائل للبرودة قليلا مع الصابونة اللي تناسبك أنا أغسل بصابونة البابايا 3×1 روووووعه..
_بعدها نجفف الوجه ونستخدم االقناع اللي حضرناه لسد المسامات أو قناع جاهز لغلق المسامات
من الصيدلية وبعدها نرطب الوجه بموية الورد الباردة نحطها في بخاخ ونرشها على الوجه علشان ينتعش نخليها ألين تنشف من نفسهاوبعدين نرطب بأي مرطب عندنا مناسب لنوعية بشرتناممكن ترطبين بمجموعة بودي شوب اللي فيها فيتامينات e روعه وشوفي وجهك بعدها راح يبرق ويلمع لمعان من غير مكياج ..:icon28:
ودعواتكم ليه حبايبي محبتكم (فارسة حواء)..:26: