حبيباتي اللي اقصده من موضوعي اني مره رحت $$جده $$ ونزلت سوق الاندلس وشفت فيه مطعم من نفس الاسم هو صياديه اكسبريس !!
امهم طلبت من عنده سمك حمريه وسمك المطافي يعني حراااااق وعجبني الطعم وعاد سافرة الشرقيه واشتهيته وقلت لازم اسويه وضبط معي يبنات وربي مثله بضبط وقلت لازم اخواتي بنات حواء يستفيدون وهذي الطريقه!!!!
المقادير **
2 فيليه سمك طازج او مجمد يتبل ب 2 فص ثوم وعصير لليمون وملح وفلفل اسود ويترك يتتبل لمدة ساعه
اول شي صوص الحمريه $$
قطعه حمر مقدار 4 اصابع وينقع بشوي ماء لاتكثرين عشان يجي شوي ثقيل الحمر طيب بعدين تشيلين البذور اللي بالحمر وترمينها وتهرسينه الحمر شوي بالملعقه وتضيفين له 2 فص ثوم مدقوق وربع بصله مبشوره ورشة ملح وكمون وكزبره مطحونه و2ملعقه دبس الرمان هذا هو السر وملعقه نشاء وفنجان قهوه ماء وتخلطينها بالخلاط وبعدين
على النار على طول عشان تثقل شوي وخليها على جنب كذه هي تمام .
ثاني شي صوص المطافي $$
بصله مقطعه صغار يحمس بشوي زيت حتى شوي يحمر من الاطراف ويضاف له 2 فص ثوم مدقوق ويحمس ويضاف له طماطم حبه متوسطه مقطعه صغار وليس مطحونه وتترك على النار حتى تذوب ويضاف لها عرق فلفل حار المفروض يقطع عشان كذه اسمه مطافي بس انا عندي بنت وزوج مايبون الحار فا ماحطيته !!ويضاف له ملعقة بهار مشكل وكزبره
مطحونه وملح وفلفل اسود وشوي ماء عشان يتسبك بكذه الصوص تماااااام
نجي للسمك $$
بعد التتبيله يشال منها ويرش بالدقيق من كل الجوانب وتاخذي طاوه تيفال وتحطي فيها شوي زيت وتحطي السمك فيها
ويحمر من الجهتين وتشيليه وتحطيه بصحون وترشيه بالصوص اللي عملتيه زي اللي بصوره ويزين وبالعافيه .
اما الرز الصياديه الابيض $$
قرفه وعويدي وهيل نحطهم بشويت زيت ويتحمسوالين تتطلع ريحتهم ويضاف عليهم رشه كمون مطحون وهذا سر المطاعم الصياديه بعدين تضيفي لهم الرز المنقوع ويقلب شوي بعدين الماء حسب الرز بس لاتكثرين عشان يجي مفلفل
واللي تحب الرز الصياديه الاسود في هذا الرابط
###شوفو سري بالصياديه### – أطباق عـزيـزة الساخنة
