السلام عليكم ورحمة الله وبركاته
ياااي من متى مانزلت مووضووع سنع ‘‘ 
المهم نخش بالجد
أسعد الله أوقاتكم بكل خير
كل عام وأنتم بخير بمناسبة قرب حلول شهر رمضان المبارك
موضوعي
اليوم عن الحكاوي ان شآءالله يصير تفاعل اكثر
من رائع وهوعبارة عن موضوع يطرح يومياً في رمضان
بواسطة أحد العضوات يطرح فيه كل ما هو مفيد وممتع .
فكرة الموضوع
إن كل عضوة تحجز يوم
وبهاليوم تقدم لنا موضوع بعنوان حكاوي رمضان
والاحلى من جيه انه نحس اننا بهالشهر مع بعض.. بحكاوينا وبسوالفنا نعيش مع كل عضوة تقدم لنا حكاويها وسوالفها..
ممكن تكتبين لنا فيه
1- آية قرآنية . مع شرح مبسط..
2 – حديث شريف .
3- أحكام فقهية خاصة بهذا الشهر .
4- موقف طريف أو محرج حدث لج في رمضان .
5- نوادر رمضانية أو مقالب في رمضان .
6- أكلة تعجبج في رمضان ( وضع صور لهآ)
7- شلون تقضين يومج في رمضان وشنهي عاداتج وتقاليدج في هذا الشهر (( برنامجج اليومي)) ؟
8- ماذا تتمنين في هذا الشهررر ..؟! أمنية عامة وخاصة .
9- بمن تفكرين أول ما تسمعيت بحلول الشهر الكريم بعد الوالدين الله (يحفظ الموجودين ورحم من انتقل إلى جوار ربه ) .
10- هل سبق لج وان اخذت عمــرة في هذا الشهر.. وكيف كان احساسج..!!
11- كيف تستقبل العيد ..؟ وما هو عرفج وتقاليدج في ذلك ..؟ وأين تقضين أيام العيد ؟
وممكن تزيدين على حسب الافكار اللي عندج
اوووكي..!!
انزين تيي واحده تسأل تقول شلوون نكتب الموضوع..؟؟
الجواب بسيط.. يكون كالتالي..
مثلاً أنا بكتب موضوع الحكاوي باليوم الأول
بيكون عنوان الموضوع
حــكــاوي رمــضــان مع ( رهوفه ) اليوووووم الاول..
اول شي اسوووي اجاوب على الاسئلة اللي فووق.. وبعدها.. ممكن اضيف اي شي من عندي..
بس 
طبعاً مع شرط .. اللي بتحجز يوم تلتزم فيه
أو إنه تبلغني على الأقل قبل 3 أيام أو يبلغ أحد من عضوات المنتدى ويعطينا
خبر إنه ماراح تقدر تنزل الموضوع
عشان نقدر نتصرف ونشوف لها بديل
وللعضوه مجال تاخذ أكثر من يوم لكن ضروري تلتزم فيهم
علماً بأنه بيكون فيه إن شاء الله تذكير قبل يومين لكل عضو ه
الأيام جدامكم 
وتقدرون تحجزون أيامكم من الحين
20 عضوة بس كل يوم عضوة تنزل موضوع عن رمضآن
الحين من تبي تكتب عن اليووومـ .. ؟! 
وكل اللي يدشوون عقبها تحجز لها يووم مثلا حق باجر او اللي عقبه .. ~
انـــطـركم ،
لي بآآآآك ان شاء الله ..
فمآن الله
شاركوووني بردووودكمـ مب تقولون لي لكم عوووده وماراااح ترجعووون .. "
اذا جيه خلاص عيل ماراح احط موضوع واتعب عمري
3- أحكام فقهية خاصة بهذا الشهر .
امممـ المراء اذا كانت حائض تستطيع ان تقرا القران وهي عليها قفازات ..
او حاجر يمنعهاا من لمس المصحف .. والله اعلم .. "
4- موقف طريف أو محرج حدث لج في رمضان .
مامر علي موقف محرج ,, صراحه ماتذكر كلش ..
5- نوادر رمضانية أو مقالب في رمضان .
افكر وارجع اقول كم .. ـ
6- أكلة تعجبج في رمضان ( وضع صور لهآ)
الهريس + الثريد + العصيده + وو الخ كل اكلاتنا القطريه الشعبيه .. ~
حاليا مــاعندي صووور
7- شلون تقضين يومج في رمضان وشنهي عاداتج وتقاليدج في هذا الشهر (( برنامجج اليومي)) ؟
اقوم الساعه 12 تقريبا اصلي الظهر
اقرا وردي ادش المطبخ اسووي حلويات خفيفه ..
اساعد اختي بلف السمبوسه ..
اقعد اجووف ع العصريه الشيخ محمد العريفي في قناه قطر .. "
عقبها اجهز السفره ونحط الفطور ماي + تمر + شوربة + سمبوسه ..
عقب الاكل اصلي المغرب ونرد للدفعه الثانيه ههههههـأــ ..
وهي الاكلات الدسمه عقبها استعد للتراويح وصالي جماعه مع خواتي ..
ونقعد ع الــ Tv لين الساعه 1 ووشي وعقبها ايلس ع النت .. وبسوووس ْ
8- ماذا تتمنين في هذا الشهررر ..؟! أمنية عامة وخاصة .
اني اروووح العمره والله اتمنى من كل قلبي اني اروووح وازوورهااا ..
9- بمن تفكرين أول ما تسمعيت بحلول الشهر الكريم بعد الوالدين الله (يحفظ الموجودين ورحم من انتقل إلى جوار ربه ) .
مافي حد معين ..
غير يدي الله يرحمه العام كان معانا وهالسنه رااح ..
الله يغمد روحه الينه
10- هل سبق لج وان اخذت عمــرة في هذا الشهر.. وكيف كان احساسج..!!
لا والله .. بس ان شاء الله هالسنه .. ^.^
11- كيف تستقبل العيد ..؟ وما هو عرفج وتقاليدج في ذلك ..؟ وأين تقضين أيام العيد ؟
العيد .. "
احلى شي ..ٍ
اقووم متاخر لوول ..
ارتب خواتي واسوي شعوورهم وطبعا اكون راده من الصالون متاخر ..
عقبها البس واكشخ واحط لي ميك اب خفيف ع الصبح ..
اروح عند يدتي وعمااامي وقبلها اسلم ع هلي واحب روسهم وابارك لهم
الغداء يكون بيت يدتي .. عقبها ارد البيت ميته تعب
اردق .. اقوم ع المغرب ونفس الشي البس ثيابي واحط لي ميك اب اوفر ..
واورح عند خالاتي .. نقعد عندهم لين في الليل .. وعقبها نرد نرقد ..
وو احب اروح المولات والحدايق ع المغرب .. وو زواره الاهل والاقارب والاصدقاء وو بس ~
يلا شاركوني بليز . *