ماذا اكتب ماذا أقول أخشى الكلام ان يطول .. مدري وش الباقي نسيته
اكتب لكي بالرصاص .. لتدوم المحبة والإخلاص
اكتب لكِ بالمقلوب .. لتدوم المحبة بالقلوب
اتمنى لكِ التوفيق في حياتك العلمية والعملية
والعيش في ظل والديك الكرام
مافهمتوا شي من اللي كتبته فوق صح ..؟
هذا الكلام اللي كنا نشوفه با " الأوتوجراف " تبعنا يوم كنا صغار
عاد اخر جملتين كانوا البنات طايحين فيها طيح ولا يدروا وش معناها 
مدري تسمونه اوتوجراف انتوا بعد ولالا ..
ع العموم هو دفتر مذكرات تعطونه للشخص اللي تعزونه عشان يكتب لكن وتصير ذكرى حلوة منه
واعتقد هالشي محد يسويه غير البنات 
كنت كل يومين ثلاثه اغيره
كل مره اشوف بالمكتبه ولا عند صاحباتي واحد حلو اروح اشتري مثله
وكل مرة اقول خلاص هذا اللي راح اعتمده
اوتوجرافي كتبوا فيه صااحباتي , قريباتي , مدرساتي
كانوا المدرسات يستانسوا اذا وحده قالت لها تكتب لها
تحسب نفسها مشهورة وحركات وخلاص ترضى على هالبنت
والبنات اكتشفوا هالشي وماستغلوا الوضع ابد 
عن نفسي .. ماخليت الا مدرسه وحده بس تكتب لي
كانت مدرسة الإنجليزي .. كنت احترمها كثير وحبيت الانجلش من حصصها الحلوة
ياترى للحين محتفظين فيه ..؟
وين مكانه الحين ..؟
خليتي اي حد يكتب لك عشان الذكرى .. ولا بس المهمين بحياتك واللي يعزون عليك ..؟
و وش احلى واغلى ذكرى حمله ..؟
اذكر وحده كانت معانا بالفصل ..
كانت تمسك اوتوغراف وحده وحده بالفصل وتكتب نفس الكلام
" سلام سليم أرق من النسيم .. يعدو ويروح لحبيبة الروح والقلب المجروح "
المهم
انا اوتوجرافي انتهت مدته بثالث متوسط ..
قلبته لدفتر مذكراتي
صرت اكتب فيه وش يصير لي كل يوم
صرت اكتب فيه وش يصير لي كل يوم
وللحين محتفظة فيه .. للحين اشوف كلام بريء لصاحبات كبروا وتغيروا
واتذكر بنات نسيتهم كانوا معاي واذكر مواقفهم من خلاله
وارجع لأيام زمان كلما تصفحته
مرة اتضايق .. ومرة اضحك
وانتوا ..؟ 
في انتظار مشاركتكن
ودي ووردى
تقبلي مروري……….
ههههههههههههههههههههههه
يسلمووووووووووووو
توقعت قبل لتقولين … هههههه
يسلموو حياتي ع الموضوع
اي والله صاجة اذكر على ايام الابتدائية كنا كل يوم معانا واحد يديد
وعلى ايام المتوسطة كل اسبوع واحد
وايام الثانوية مافي كلش هههه
بس انا عندي الحين صندوق الذكريات لايام الثانوية "يعني كشخة" ههههههه لووول
يسلموو مرة ثانية قلبو
