احم اسمحن لي بالبداية اوضح ليش خصصت بنات بوظبي لانه لاحظت انه ماشاءالله بنات الشارجة ودبي وراك في تفاعل مستمر وعندهن وايد ماكييرات واماكن للميك اب والشعر. فقلت فخاطري وينهن بنات بوظبي:12 (98): ولهذا السبب احب اخصص هالموضوع لهن.
هدف هذا الموضوع نتجمع فيه للافادة و لانه كثرت الاسئلة والمواضيع المكرره حول موضوع الميك اب خصوصاً من العرايس.
ومثل ماتعرفن الحين قرب موسم الأعراس شهر 1 و2 والصيف ان شاءالله فالافضل نخلي هالموضوع مرجع لتساؤلات لبنات بوظبي حول المكياج والشعر والعطور(لتفادي تكرار المواضيع).:44 (30):
انزين نبدأ
اولاً: كل وحده ادش هالموضوع من بنات بوظبي تقولنااااااااا بالنسبه لها ولربيعتها واهلها افضل ماكييره في ابوظبي للمناسبات بشكل عام؟مع ذكر اسعارها؟
ثانياً: افضل ماكييره في ابوظبي للعرايس؟(مع ذكر السبب والسعر)<<<حشى استوى امتحان ههههه
ثالثاً:افضل صالون تتعاملين دوم وياه للميك اب والشعر؟(اذا كان في صالون محدد مع ذكر اسماءهن)
رابعاً:افضل وحده تسوي تساريح للشعر في ابوظبي(بدون سبريه وافكار جديمه)
خامساً:وين تصبغين شعرج باي صالون او مركز تجميل وشو الماركة المستخدمه لصبغ(مثلا: لوريال ماتركس،… او غيره)؟(رجاءاً ذكر السعر واسماء)
سادساً:من وين تشترين عطورج؟ وبخورج؟
سابعاً:وين تتحنين وأفضل وحده تحني؟ (سواء بصالون او غيره يجب التوضيح)
^^^^^^^^^^^^^^^^^^^^^^^
اوكي ببدأ انا:)
بنسبه للمناسبات بشكل عام افضل صالون دولا اسعارهم الحين زادت للاسف وصلت 800 درهم للميك اب بدون الشعر! بس التسريحات مكرره
افضل ماكييره للعرايس لين الحين ماشفت بصراحه وحده محدده ياكريم اساس مب حلو يارسمت العين دفشه.
اذا بتعامل بشكل دائم افضل بيوتي بالاس عند حنان والشعر وحده اسمها سايده اظن للميك اب400 و200 لشعر
بنسبه لتسريحه احب تسريحات سيده اللي فبيت الجمال لانها ماتحط وايد اسبريه وفي حركات ناعمه تسويها والصبغه بيلادونا او سيده في بيت الجمال. سيده تستخدم لوريال وناني فبيلادونا تستخدم ماتركس. سعر سيده حسب طول الشعر تبدأ 500 فوق بيلادونا 200 تقريبا وفوق حسب طول الشعر.
الحنه احب حنه كازبالانكا بس ماعندي وحده محدده وصالون لافام(ماجربتهم بس شفت صور لشغلهم) اما بالمناسبات بشكل عام احب حنه الاخوات.
بالنسبة للعطور اشتري دوم من باريس غاليري خصوصا عطورات قوتشي وارماني والبخور من اجمل او الياااس.
الماكييرات الموجودات" فبوظبي" ومعروفات(حسب معرفتي) هن كالتالي:
ميعاد الحمادي(موجودة ويانا فالمنتدى بس للأمانة ماجربتها)
منيرة المنصور(ماجربتها)
صفية النويس(ماجربتها)
ظبيانية(ويانا فالمنتدى بس ماجربتها)
أم شامخ(ويانا فالمنتدى بس ماجربتها)
مريم البكري(اغلبهن يحبون مكياجها الناعم)
دولا(وايد يمدحونها للعرايس…بس للامانه ماجربتها)
جيتا(وايد يمدحونها للعرايس …بس للامانه شفت شغلها وماعيبني كريم اساسها)
واسمحن لي لو نسيت اي ماكييره في بوظبي بس في بعد وانا حاطه التركيز لماكييرات ابوظبي لانه مثل ماتعرفن السعر يستوي دببببببببببل لو كانت الماكييره من خارج بوظبي يعني من إمارة اخرى.