المقادير + الطريقه
اولا ننقع تقريبا ربع كوب برغل ابيض بعد مانغسله وننظفه ونخليه منقع تقريبا مابين ربع الى نص ساعه بعدين نصفيه من الماي
ناخذ حبه بيديانه كبيره ونقطعها قطع صغيره ونملحها بعدين اما نشويها بالشوايه او نقليها بشويه زيت زيتون( 3 الى 4 ملاعق زيت)
نقطع شدتين بقدونس وحبتين طماط+ 2 خيار+ حبه فلفل اخضر بارد كلهم نقطعهم بحجم صغير
الصلصه عباره عن عصير ليمونه كبيره او ليمونتين وسط+ ربع كوب زيت زيتون+ ملح+ ملعقه وسط دبس رمان+ رشه دارسين وفلفل اسود
نحط هالتتبيله على البرغل المصفى ونخليه ربع ساعه منقع فيه
نخلط الخضار المقطعه+ البيديان
نحط عليه البرغل مع التتبيله
ونخلطهم
ونزينها بحبه طماط
