النهارده جيبتلكو حاجه جامده جدا واصلا كل اما اكتب الموضوع يروح فين معرفش المهم يا حلوين انتم عارفين طبعا الطرح الكوريشه والعبايات الكوريشه وكل حاجه كوريشه هاقولك تعملى الكوريشه نفسها ازاى
صلى على النبى …… ما تقولى عليه الصلاة والسلام؟؟؟ ايه ده
هاتجيبى القماش اللى انتى عايزه تعمليه كوريشه او الطرحه او او وهاتروحى حاطه حلة ميه مغليه على النار والميه بتغلى فيها وهاتطبقى القماش اللى فى ايدك اكنك هاتعصريه وتقرطى ايدك قوى وبعدين تسقطيه فى الميه المغليه وتعدى على ايدك لغاية عشره يعنلى دقيقه يالكتير وتطلعيه من الميه طبعا حضرتك هاتكونى لابسه جونتى ولا حاجه او تصفى الميه من عليه وجرى تروحى كاويه القماش على حالته دى واحده هتسالنى وتقولى يا ام يوسف هو القماش مش هايفك وهو فى الميه المغليه اقولك اربطيه يا مفتحه علشان ميفكش ولو انتى لابسه جونتى خلاص طلعيه والحقى اكويه والقماش سخن علشان الكسره تمسك فيه وتروحى ناشراه وهاينشف يبقى ولا اجده كوريشه فى الدنيا يارب ماكونشى تقيله على قلبكو بالله عليكو اللى يعجبها الموضوع تقول فى سرها ربنا يفك كربك يا ام يوسف ويخليلك يوسف