اصدقائي من منظفات بالصور 2024.

هذي أول مشاركة لي في هذا القسم
اللي استفدت منه كثيييييييير ,,
وحببني في بيتي وفي شغل البيت
صرت أشتغل وأنا مستمتعه جداً ..

طبعاً زي ماشفتوا بالموضوع :
{ اصدقائي في منزلي }
أقصد فيه الأشياء اللي استعملها بمنزلي وحبيتها وجابت نتائج رائعة ..

اخترت أن ابدأ بـ (المنظفات)
واخترت لكم المنظفات اللي رووووعه وفادتني كثير وشفت نتائجها ,,
وهيه اللي استعملها دائماً في كل شغلي ولا أستغني عنها ..
وللأمانه أغلبها استفدتها من هذا القسم ورحت شريتها وشفت نتائجها ..

صورة جماعية لأصدقائي بالتنظيف ::

نبدأ بمنظفات البلاط (سيراميك-رخام-بورسلان….) :

أول واحد من اليمين : داك باور الأحمر
روووووعه كلمة روعه عليه قليلة هو تحسينه مرررركز لونه أزرق غامق يميل للكحلي
احط منه مقدار غطاء على لترين ماء حار أو دافيء وأخلط معاهم صاحبنا ثاني واحد في الصورة وهو :
داك مطهر برائحة الأزهار
وأخلط معاهم ملعقه ولاملعقتين من صاحبنا ثالث واحد بالصورة :
جل العملاق الأخضر

طبعا الريحة مررركزه وقوية انتبهوا ياللي عندهم شيء بالصدر
بيكون الخليط صابوني جداً
يعني أول ماتمسحين البلاط ارجعي امسحيه بالنهاية بموية ..

ثالث واحد بالصورة :
جل العملاق
هذا عجيييييب حبيته ريحته إذا استعملتيه لوحده كأنه من منظفات الحرم ..
حلو حلو وأنصحكم فيه ..
لأني أحسه ينظف بشكل خيالي ..

ألحين جاء دور الكنز اللي من جد ريحني مرررررررررره :

بخاخ جف باور كريم الأزرق
وربي يابنات إبداااااااااااااع
طبيت عليه من حيث لا أعلم خخخخ ..
كنت رايحه اشتري منظفات منوعه لأن البيت جديد ..
البنات هنا مدحوا جف الأصفر ..
دورررررت له قعدت أحوس في صف المنظفات المهم مالقيته ..
شفت ذا قلت يابنت خذيه العوض ولا القطيعة ..
وجربته يابنات رووووووووووعه رووووووووعه ,,
بس بخيه على الوصخ وانتظري ثواني يعني لحد ماتلبسين قفازك وترتبين امورك وامسحي بأسفنجه ولا حتى بمنشفه ..
شيء خياااااااااال يشيل البقع بشكل مو طبيعي ..
جربته على الدوائر اللي تجي في البانيو اللي تجي عشان الواحد مايزحلق وهو يتروش << الله من شرح خخخ
كانت بنيه ومعقدتني جربت كل شيء ولا فاد .
والله يابناااااات بخه من جف ولحد مالبست القفاز شالتها ولا بقت نقطة لون ..
استخدمه أحيان في البقع اللي تتجمع حول عين الفرن الكهرب وتيبس ابخ وانتظر وامسح ولا أروووووع ..

لسواااد القدوووور :

صابون الوزير و جل فيري العجيب
صابون الوزير اللي استخدمه للقدور زمان اللي هو القالب
شريت المبشور هذا ويقولون نفس المفعول بس للأمانه ماقد جربت المبشور ..
تقول مرت اخوي انه مره حلو لغسيل الملابس الملونه ولايحتاج لمنعم ملابس << في طور التجربة ..

جل فيري العجيب جوناااااااااااان
هو يجي زي الجل ولونه شفاف
بخي قاعدة القدر وخليه من عشر دقائق إلى نص ساعه ,,
وطبعاً لأني وحده أشتغل بذمه أخليه يصك النص ساعه خخخخ ..
وخذي سلك وابدي فرك ياإنه يبعد السواد بشكل ماتتخيلونه ..

للتنظيف اليومي والإستعمال المتكرر :

مطهر كلوركس و مطهر المطابخ من ديتول

مطهر كلوركس استعمله على سطح رخامة المطبخ وقت مايكون فيه بقع فيها لون ,,
ابخ وبسرعه بمنشفه ولا بأسفنجه أفرك ويروح اللون وتحسين بنظاااااااااااافه ..

مطهر ديتول لمسة نهائية بعد ماأخلص شغلي بالمطبخ أمر فيه على الرخام يعطي ريحة حلوة ونظافة ..

الممسحة الرهيبة :

هذي الممسحة أخذتها من (إيكيا) ..
تجننننن ياناس ياقلبي عليها صغنونه ولاتآخذ حيز ..
أمسح فيها كل شيء يخطر ببالك ..
زجاج – زجاج مغسلة الحمام – سطح رخامة المطبخ – دواليب – تسريحتي والكومدينات ……….إلخ
أحسها من جد حلوه في كل شيء ورخييييصه موووت ..

انتهى