الاكلة دى يا جماعة للناس اللى بيحبو كبد الدجاج وهى سهلة وسريعة التحضير وممكن تتجهز كعشاء او غداء
المقادير
300 جرام كبد دجاج منظف ومقطع قطع متوسطة الحجم
بصلتين صغيرين
3 فصوص ثوم
فلفل حلو
ملح وفلفل و كمون وشطة
بقدونس حسب الحاجة
الطريقة
نضع الزيت النباتى او ال**د حسب الحاجة فى حلة ونسخن على نار عالية
وبعدين نحط البصل المقطع والثوم على الزيت و نحمرهم لحد ما يستوو شوية وبلاش نحرقهم
وبعدين نحط الكبد فى الحلة ونقلب لحد ما لون الدم يروح
ونقلب دقيقة بعد كده وبعدين نحط شوية مياه فى الحلة ونحط الملح والفلفل والبهارات
ونقلب فى حدود 10 دقايق لحد ما المياه تغلى
وبعدين نضيف الفلفل الحلو والبقدونس و نقلب
ولو المياه نقصت شوية ممكن نزودها بس مش كتير
ونقلب كمان دقيقتين
ونغطيها كويس ونسيبها على نار هادية لحد ما تستوى بعد 15 دقيقة
وبالهنا والشفا