مقادير العجينه
1ونص كوب طحين + نص كوب زيت + 1 ملعقه ك خميره + 1 وربع كوب ماء + 1 ملعقه ك بيكنج باودر
3 ملاعق حليب بودر + 1 بيض + ذرة ملح + 1 ملعقه وسط سكر
الطريقه
تخلط جميع المقادير بخلاط العصير ماعدا الطحين يخلط بعدها بالعجانه او بالملعقه اذا ماكانت متوفره
نحضر تاوه ( مقلى ) ونضيف له القليل من الزيت بستخدام الفرشاة ويوضع مقدار ملعقة طعام من خليط العجين
ويوزع الخليط بطريقه سريعه بشكل دائري للعجينه مع مراعاة التحكم بالنار ماتكون حاره زياده عن اللزوم بمجرد وضع
العجين نوطي على النار ونزيد الحراره اذا احتاجت لأنها ماتاخذ وقت بالاستوا مثل البيض المقلي بالضبط وهذي صوره
للعجين اول ماحطيته على النار
وهذي صوره بعد مااستوى
وبعد مايستوي تحشينه بالحشوات اللي تفضلينها انا حشيتها بلبنه وزعتر وخيار وجبن وقيمر ومربى
وهذي صور لعلب الحشوات المستخدمه وطبعا ممكن تغيرين فيها على حسب ذوقج
هذي صوره لقطعه حشيتها قيمر ومربى
وهذي صورة الطبق بعد ماجهز