مثل ما وعدناكم و بالصور .حيااااااااكم 2024.

مساء الخير لأحلى عرايس…اليوم إنشالله بنزل لكم (Tiger LoOoOoK) الجديد, ميك آب عيون
من تصميمي…سميته (Tiger Look) لأن الألوان اللي إستخدمتها مثل الوان النمر…ورسمت العين أيضاً تشبه رسمة عين النمر..يعني طويلة و نازلة من أول العين و مرتفعه في نهاية العين مثل ما تشوفون في صورة عيون النمر بالأعلى…بس هالمرة غييييييير 😉

حبايبي..حبيت هالمرة أضيف لمسات جديدة للتغيير..هالمرة هو درس للمرأه المتزوجة كيف تحط ميك آب (Tiger) لأبو الشباب..بدل الميك آب البسيط و الناعم إلي تحطة كل يوم..يعني هالمرة بخلي الليلة كلها (Tiggggggggggger) 😀

المحور الأساسي عندنا هو كيف تطلعين بLook عيونك تكون فيها قريييبه من عيون الTiger بس خلينا شوي نحط بعض المقتطفات عن الليلة الإسبشل.. 😉

ممكن تحطين بعض الإضافات الحلوة في غرفة النوم..مثل تغيير الشراشف و تفرشين شرشف فيه أشكال جلد النمر…أو توزعين شوية كوشنات كبيرة و صغير من النمر على أجزاء من الغرفة..وياليت تشترين شوية بالونات على شكل النمر عشان تكون الليلة أحلى و أحلى…
خليجية

ولا تنسين كشختج…هالله هالله بقميص النوم النمر…أظن إنه ترسه في الأسواق…وبعض المكملات مثل الشنطة الي على جلد النمر و الإكسسوارات و الكعب العاااااااالي…أهم شي عالي للإغراءات 😮
خليجية

وبعدها نبدأ بالجد حبايبي….:)

أول شي نحن عشان نوصل للوك مثل الTiger لازم نهتم ببشرة الوجه و الجسم ككل..نحن محتاجين لبشرة برونزيه في هذي الحالة..في البداية حطينا الكونسيلر من ماك على الوجه كله و بعدين حطينا البودرة المضغوطة(الكريمي) ماركة shisado على كامل الوجه و الرقبة و أجزاء من ا لجسم الظاهر..وبعدها وزعنا الكريم البرونزي من بودي شوب على كامل الوجه و الجسم عدا منطقة العينين..بعدها بفرشاة البلشر وزعنا بلشر برتقالي من ماك على أجزاء من الوجه الخدين و الأنف وقليل منه على الجبه و الذقن لزيادة اللوك البرونزي..

بعدها نبدأ بالعيون..
هذا هو النوذج إلي بنطبق عليه ال(Tiger LoOoOok)
خليجية

نوزع الكونسيلر من ماك على الجفن و أسفل العين بالتساوي مع قليل من الإضاءة من ماركة ماك تحت الحاجبين.
خليجية

بعدها نستخدم اللون البرتقالي من ماك..نوزع اللون البرتقالي على الجفن العلوي المتحرك و أسفل العين.

ثانياً نستخدم اللون البني الغامج من ماك, و نوزعه فوق العين على شكل قوس إبتداًْ من نهاية العين إلين النصف و نبدأ بدمجه مع اللون البرتقالي..و أيضاً نستخدم القليل من اللون البني تحت العينين و أيضاً نقوم بدمجه مع اللون البرتقالي.
خليجية

الحين نبتدي برسمة عيون الTiger…نستخدم آيلاينر أسود من Dior ونرسمه فوق العين و تحت العين إبتداًْ من منابت الرموش و غيييييير متصلين في بداية العين.
كما في الصورة إلي بالأسفل.
خليجية

وبعدها نركز على الحركة اليديدة…نرسم خط يبتدي من نهاية العين إلي نهاية الحاجب و لكن نحرص إننا نتجه للأعلى للحصول على رسمة العين المطلوبة و نبتدي بالخط العلوي.
خليجية

ويوازيه الآن الخط السفلي..أيضاً مثل ما ذكرنا سابقاً نتجه إلى أعلى…ولكن أيضاً غير متصلين..
خليجية

في الخطور التالية..نزيد من اللون البني أيضاً على شكل قوس و تحت ا لعينين لدمجه مع الآيلينر و نمده إلين نهاية الحاجب مع مراعات دمج الألوان.
خليجية

نستخدم شوي من ا للون الأسود من
ماك في نهاية العين و أسفل العين لإضفاء لون صارخ شوي…وبعدها نأتي للمسة الجديدة..شوية حبيت أكسر اللون و ما أخليه بني في بني و درجاته..فرسمت بالكحل الكريمي من ماك اللون التركوازي داخل العين فقط في الجزء السفلي, و في النهاية حددت بالقلم الأبيض من سمايلنج في الأماكن المفتوحة في بداية العين و نهايتها مثل ماهو مبين في الأسفل.
خليجية

بعدها حبايبي بقول لكم شي نسيت أذكره سابقاً..قبل لا نسوي أي شي في الوجه علينا بتعديل الحواجب للي حابين إنهم يرتبونه..بالنسبة لي حبيت أسوي الإستايل اليدي الدارج في الحواجب..ألي هو (نص حواجب) يعني أخفي الجزء النازل في طرف نهاية العين عشان أصير صدق (Tiger) فإستخدمت بلاستو واكس من make up for ever عشان أخفي الحواجب..بس ما بخوض في التفاصيل عشان في خوات يزاهم الله خير نزلو من قبل مواضيع بشكل تفصيلي عن طريقة إخفاء الحواجب عن طريق الواكس فإلي حابة ترجع لهم..
وبعدها رجعت و رسمت الحواجب بكحل الحواجب السائل البني من make up for ever بالشكل الي أبغيه.
خليجية

واللمسات الأخيرة هي..نحط شوي من الآي شدو اللمعه من Make up for life اللون البني بشكل خفيف على المنطقة البنية عشان أعطي لمعه للعينين و ما ننسى حبايبي العدسات الملونه..و يفضل اللون العسلي(honey) وأخليكم مع اللوك النهائي..
خليجية