عجبت جوزي اوي اوي
تجيبوا فرخة مش كبيرة اوي عشان تستوي و بعدين تقطعوها علي 8 قطع ( صاحبة الوصفم لم تسلق الفراخ ) بس انا سلقتها
اضمن بردو
التتبيلة
– مكعب او 2 مرقة دجاج تكسريه كويس لغاية ما يبقي بودرة كدة
– 1م كبيرة خل
– لمون
– 2 فص حبهان
– ملح / فلفل / شطة " ممكن تحطي اي بهارات بتحبيها مع الفراخ "
و تقلبي كله علي بعض و تدعكي بيه الفراخ و تغطيها و تحطيها في التلاجة ساعة او ساعتين بس
حنقلي بايه بقي ؟؟؟ ركزوا معايا شوية
محتاجة دقيق و بيكنج بودر بس
حتجيبي تقريبا كوباية دقيق او ما يكفي لتغطية الفراخ و نحط عليها باكو بيكنج بودر و نقلب كويس
حنطلع الفراخ من التلاجة ونقلبها *في خلطة الدقيق و ننفض الدقيق كويس علشان ميكلكعش علي الفراخ و بعدين نجيب حلة
فيها ماية و ننزل قطعة قعطة من الفراخ فيهل لمدة ثانية واحدة يعني يدوب انزل القطعه و اطلعها بسرعة يادووب تتبل بس و بعدين
ارجع اقلبها تاني في الدقيق و البكينج بودر بس وبكدة تكون جاهزة
القلي بقي
زيت غزير و لازم يكون غزير اسخنه جامد اوي اوي و بعدين اوطي النار و احط الفراخ بس متبقاش كتير في الطاسة و اغطيها و اكون
مهدية النار يعني تكون النار وسط بس و اسيب كل جانب من جوانب الفراخ حوالي 7دقائق و اقلب بس يعني القطعة حتاخد منك
تقريبا ربع ساعة *بس و اطلعها علي مناديل لشرب الزيت
بس مش تسيبيها علي النار كتير عشان مش تنشف و تتحرق بس
و الله حتاكلي فراخ روعة روعة