الطريقه سهله جدا وتحفظ قمصان نومك من الغبار و تسهل عليج انج تختارين الي تبينه و بسرعه…
تحتاجين الى:
بوكس كبير … يعني انا عندي بوكس خشب وااايد حلو وكبير و حده كشخه .. وممكن بعد يكون بوكس عادي ملون…
طبعا الصور كلها من النت..
ولو تحصلين صندوق مخمل تره يطله وايد أكشخ… أو ممكن تاخذين صندوق وتودينه لمحل تنجيدات وأهو يلبسه لج بالمخمل وبالكريستال…
و تحتاجين اكياس أورجانزا… اهم يجون الوان واحجام… انتي اختاري اللون الي يناسب
غرفتج… يعني انا اخترت وردي فوشي حدددده حلو..حاولي تختارين لون فلالالالاش أحلى..
مثل هالاكياس بعد أكبر و اذا ماحصلتي اللون والحجم الي تبينه تقدرين تروحين تاخذين الخام وتفصلينه لج…
و تحتاجين بعد حق معطر للملابس… أو ورد مجفف تعرفونهم صح… الي يبيعونهم في لايف ستايل وهالأماكن… طبعا أحلى ريحه أهي اللافندر.. معروفه أنها حلوه للأسترخاء والريلاكس..
وهذا مال لايف ستايل.. يجي بهالشكل وبروائح مختلفه
وممكن بعد تستخدمين هالمعطرات بعد تحصلينهم في لايف ستايل
بس انا استخدمت شي ثاني… استخدمت المسك الي كأنه صابون من عبدالصمد القرشي إلي دايما يستخدمونه للطهاره (حجر مجروش).. لأن ريحته تفوووح وتطبع في الملابس… وسعره مو غالي أعتقد 11 دينار وفي داخله 6 حبات.. تقدرين تقطعينهم قطع صغار…
وهذا أهو
الطريقه أهي انج تاخذين اللانجري,,, يعني تاخذين كل طقم و تغسلينهم وتكوينهم وتبخرينهم…. و بعدين تحطين كل طقم في كيس… يعني اللانجري مع الروب ماله و مع اكسسواراته وكلشي في كيس…
و جذي ترتبينهم كللللهم في اكياس الاورجنزا ,,,,,
وتحطين في كل كيس ورد مجفف أو هذا مال القرشي أو اي معطر ثاني للملابس.. أو ممكن تحطين المعطر في اكياس صغار وتوزيعنهم بين الملابس…
جذي يعني
و بس بعدين تصفين الاكياس في البوكس بطريقه مرتبه و تسكرين عليه… و بهالطريقه راح تطبع الريحه في اللابس و كل ماتفتحين البوكس بتفووووووووووووووووح الروايح الطيبه منه.. و كل ماتلبسين طقم راح تفوح ريحتج..
وتعرفين شنو احلى شي في هالطريقه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
أحلى شي انج ممكن تخلين زوجج أهو الي يختار لج الطقم الي يبغيج تلبسينه … يعني يوم انتي تختارين و يوم اهو ……. 😉
و انا بعد اخلي الالعاب الزوجيه و الحركات كلهم في اكياس صغار داخل البوكس… يعني زوجج يختار لج الطقم ويختار معاه اللعبه الي يبغيها والي تعجبه… شرايمن في الحركات الشيطانيه خخخخخخ :21_133:
و مكن تاخذين بوكس بمفتاح عشان تضمنين ان محد يفتحه … وبجذي تكون لج خصوصيتج… و تستمتعين بملابسج واهي نظيفه ومرتبه وريحتها حلووووه على طول….
ها شرايكم في طريقتي؟؟؟؟؟ انشاله عجبتكم و استفدتوا منها….
لا تنسون تقيموني إذا عجبتكم طريقتي….
بس اول صورتين مو طالعين حبيبتي
وايد فكره راقيه