ماقصرن البنات الغاليات اللي عطنني رقم أم سيف(دانة المزيونة) حيث اني ريت حرمة ف توام يوم كنت سايرة موعدي وخبرتني انها استفادت منها واحملت وعطتني الرقم بس كانت فيه مشكلة وطلبتة من بنات المنتدى وعطني اياه فديتهن… دقيتلها عقب تفكير واستخارات وغيره لأني بصراحة كل ماأسمع عن المساح والحريم اللي يمسحن يتبادر لذهني تجارب وااايد مب ناجحات لأني من أسير عند أي وحدة تتخبرني اشو عنديه وتسدحني وما قوم الا والدموع تذرف من الويع غير ورم البطن والأسلوب اللي جنه مهازب وطبعآ حرمة عوودة شو بتردين عليها؟
قلت بدق حق أم سيف وبيربها قبل بالتلفون ردت علي بترحيب وسولفت عنديه وفعلآ حسيت جني أعرفها من زمان فديتها والله…..عمومآ نشدتني عن الحالة وسألتني كمن سؤال عني وعن ريلي حسيت انها دختورة فاهمة اش قايل التعامل مع المريضة والشهادة لله اني حسيت انه همها تفيدني وبس ….. خذيت الموعد وسرتلها ومن شافتني رحبت بيه بكل بشاشة واحترام وتخبرتني عن الأهل وغيره لين حسيت اني يالسة عند ربيعتية مب عند حد بيعالجني وخذت مني الحالة بأدق التفاصيل وطلبت مني فحص ريلي اللي مسونة في النور لأنه عنده دوالي شديدة مسببات ضعف…..المهم بدت تشرحلي عن العلاج بكاسات الهوا وفوايدة ومراحل العلاج وعدد الجلسات اللي بسويهن عندها وابتدت بكاسات الهوا وفعلآ ماحسيت بويع لأول مرة حسيت اني برقد من الراحة وعقب مسحتني وخذت الجلسة أكثر من ساعة وقامت بالواجب وتقهويت عندها حتى ريلي مانستة الله يعطيها كل خير طرشتلة قهوته للموتر حسيت انه هالحرمة لوأدفعلها عيوني والله مابوفيها حقها…. الله يبارج فيها وف عيالها ويعطيها الخير كله وادعللي أحمل لأني والله مشتاقة الحمال…..