اهلين بنات
اللي مافيها شي وداخله حب خبر تديور وتصك الباب معها :30:
واللي متعقده زيي تجيب معها علبة مناديل الموضوع جداً حساس ويحزن ويمكن تنزل دموعي <<<< متعقده منه 🙁
انا واعوذ بالله من انا ماكان في وجهي شعر ابداً ولا اذكر اني شلت شعر وجهي الا يوم زواجي لزوم الانتكه
بس قدر الله علي واخذت كورتيزون لمدة سنتين وطلعت لي سكسوكه :22:
الله لا يوريكم والله عقدتني في حياتي كل شهرين لازم اشيل وجهي ولا تصير مصايب
فرحت بعد ما تركت العلاج وراح الشعر من نفسه
والحين رجعت لي نفس المشكله بس على شكل اقسى :30:
والسبب ..!!
من قرادتي رحت اسوي ليزر للوجه وصار مايناسبني ونصحتني الدكتوره ما اسويه لانه سبب تهيج شديد لبشرتي وصارت زي المحروقه وصرت اسابيع بعدها اعالج الاثار
والمصيبه طلع لي شهر قااااسي واسود 😮
ايش الحل معه
قلت يمكن هذي عقوبة ربي فيني لان اللي كان في وجهي شي بسيط مايذكر ماكان يحتاج ليززر
بس المقرود تدوره القرادة
الحين دخلت النت وسويت بحث لقيت وحده تمدح خلطة ذكرها لها خبير فرنسي وسوتها ونجحت معاها
حبيت اطبقها واقول لكم عن النتائج نفيد ونستفيد
واللي عندها خلطات ثانيه او اي حلول لهالمشكلة لا تبخل علينا :p
انقل لكم ماكتبته البنت
:::::::::::::::::
السلام عليكــــــــــم ورحمة الله وبركاته
نحن النساء وللة الحمد اكثر مانشكو منة الشعر فاهاانا اهديكن هذة الخلطة التى نصحتنى بها خبيرة تجميل استعملتها شخصيا وانتهى معها معاناة شعر الوجة قد اهداها هذة الخلطة خبير فرنسى كانت تاخذ عنده دوره ..
المقادير جميعها بالملعقة الصغيرة جدا التى نحرك بها الشاى
ربع ملعقة من بودرة النشادر (انا فى الشرقية لقيتة عند المهباج الكيلو 15 ريال)
ملعقة ماء اوكسجين عند الصيدليات بقوة 20 او 10 (لونة زى لون الماء)
ملعقةماء اذا كان بقوة 20 اما 10 مايحتاج
ملعقة كريمة طازجة(تلقونها فى البقالات الكبار او اسالو محلات الحلويات )
اذا كان المقدار قليل يعمل مقدار ثانى ويخلط مع الاول
يوضع على الوجةلمدة ربع ساعة اربع ايام متتالية ثم تريحون اسبوع ثم يوضع اربع ايام ثم تريحون اسبوع ثم اربع ايام ..
اذا كان شعر الوجة من النوع القاسى يكرر مرة اخرى
راح تلاحظون ان الشعر يطيح ولا راح يطلع مرة ثانية ممكن استعمالة على باقى الجسم
ملاحظة:::::::اذا حطيتو الخلطة على الوجة راح تحسون بحرقان اذا بداء يخف عادى اما اذا زاد فيمسح عن الوجة لان البشرة ماتتحمل
ولا تخافون من النشادر ترى كل المخابز تستخدمة فى الخبز والكعك
نقلته لحبيباتي المرجوجااات
::::::::::::::::::
انتهى كلامها
بس كلامنا مانتهى انتظر ردودكم وتفاعلكم مع السكسوكات والشنبات
قصدي مع الموضوع :p