شخبار الحلوات و الصبايا ؟؟ اتمنى ان الكل بخير
حبيت اطبق لوك شفته بالنسبه لي انا ولا مره سويت لوك بهالطريقه و حبيت اني اجرب
اول شي نبدا بويه فرش مرطب و موزعين الفاونديشن و الكونسيلر و البودره الحره
و لاتنسين في اللوك هذا تحتاجين لكميه لا باس بها من البودره تحت الجفن السفلي للعين نحن بنستخدم اللون الاسود تحت و لا سمح الله لو تناثر نقدر نمسحه
او ممكن تسوين مكياج العين و بعدين تحطين الفاونديشن و الكونسيلر لتغطيه العيوب و بعدين لبودره الحره عسب نخفي اللمعه
اول شي نحتاج لفرشاه ماك رقم 252 و ناخذ كميه لا بأس بها من بينت بوت ماك ELECTRO SKY
و اذا ما عندج هالبينت بوت – لانه ليمتد- ممكن تستخدمين ايلاينر ماك الازرق و اسمه BLUE HERIZON
توزعين كميه بسيطه فوق الجفن العلوي و تحت العين منه و توزعينه بصبعج قبل ما يجف على فكره يكون بيس قوي جدا وانا تعلمت هالحركه من وحده
الحين ناخذو بفرشاة ماك رقم 239 شادو ميك اب فور ايفر التركواز و نوزعه على الزاويه الداخليه للعين و نوصله لين النص او اقل بشوي
و بنفس الفرشاه تجلبينها و نستخدم على النص الباقي للجفن لون DEEP TRUTH من ماك و نترك اخر ثلث من زاويه العين الخارجيه فاضي على فكره اللونين هذيلا بيندمجون مع بعض بسهوله و ما يحتاي تسوين شي غير انج تمررين الفرشاه من الصوبين اللي عليهم الشادوهين فوق بعض بحركه خفيفه و شوفي كيف بيندمجون
الحين نمسح الفرشاه رقم 239 و نبدا هني شوي شوي نحط من شادو ميك اب فور ايفر والغني عن التعريف رقم 92
على اخر ثلث من العين و نمد اللون فوق DEEP TRUTH و شادو ميك اب فور ايفر بطريقه مرتبه و خفيفه بيتكون عندج قوس
ملاحظه راعي ان شكل القوس يكون مناسب لشكل و تقويص حاجبج و لج حريه الاختيار في رفع اللون اكثر او لا ..خص البنات اللي ما شاء الله عندهن مساحه كبيره بين الجفن و عظمة الحاجب يقدرون يرفعون اللون اكثر شوي
نستخدم فرشاه دمج نظيفه عشان نرتب اللون فرشاه رقم 224
الحين بالفرشاه رقم 217 ناخذ شوي من اللون البنفسجي و ندمج بخفه اللون عشان نمسح الخط الخشن
الحين بالفرشاه رقم 227 ناخذ شوي من هالشادو – باليت TEMPTING-
واللون اللي بنستخدمه اسمه NEXT TO NOTHING افتح شادو
ممكن تستخدمين SHROOM و نوزع اللون على عظمة الحاجب و ندمج اللون البنفسجي بالهايلايت بخفه
ملاحظه: اذا حسيتي ان اللون البنفسجي بهت و تحبيت تزيدين من حدة اللون خذي الفرشاه رقم 217 و بدون ما تحطين شادو بنفسجي استخدمي اللي بعده باقي في الفرشاه و مرريها على اللون البنفسجي
الحين نرسم العين من تحت
في زاويه العين الداخليه و بالفرشاه رقم 212 ارسمي خط سميك شوي في اول ثلث بس من الزاويه باللون DEEP TRUTH
الحين و بنفس الفرشاه ناخذ شادو CARBON الاسود من ماك و نرسم خط من نهاية DEEP TRUTH لين زاوية العين الخارجية و نمد الخط
ملاحظه : الخط لازم يوصل لنفس مستوى خط حاجبج
والخط يكون سميك بعد و بعد ممكن تستغنين عن كاربون و ترسمين الخط بلاليلاينر لو حابه
الحين الحركه الحلوه تاخذ الفرشاه رقم 212 بعد ما ننظفها و باللون التركوازي نرسم خط ارفع فوق الخط اللي رسمنها بالون الاسود و ندمجه مع DEEP TRUTH
الحين ناخذ الفرشاه رقم 219 و نرسم في اقصى زاويه الين الدخليه باللون الابيض انا استخدمت CHILL من ماك الحركه هاي تنور العين اكثر خصوصا انا استخدمنا الوان غامجه و رويانه
كحلي عينج بكحل ابيض
انا استخدمت كحل ماك FASINATNG نحط الماسكارا و نستخدم ال LASH CURLER لو تستخدمين الاداة بعد الماسكارا النتيجه تطلع روعه
امسحي بالكبوكي البودره اللي حطيناها تحت العين اذا اي شي تناثر بيروح بسهوله و بدون ما يخترب الفاونديشن
بالفرشاه رقم 187 نوزع البلاش
لج كامل الحريه في الاختيار يا برونز يا مشمشي او وردي فاتح
قلوس نفس الشي لون وردي فاتح او لحمي او مشمشي
القلوس اللحمي اسمه NAKED SPACE
والمشمشي اسمه SOCK HOP
وهذا هوه اللوك
اتمنى يعيبكم
و لا اسمح بنقل الموضوووووووووووووووووووووووووووووووع