و عبدكم مبارك
حبيت انزل لوك شفته من فتره طويله و هوه لعارضه تعرض مجموعه يديده من بورجوا
اللوك وايد حلو و تقدرين تتحكمين و تتغيرين بحده الالوان او خفتها
الالوان الاساسيه اللون البني و اللون البحري اخضر على ازرق
الادوات المستخدمه
علبه شادوهات درجات البني وهاي من موقع و مشهور في بلاد برع والاجنبيات يمدحون الباليتات اللي عندهم عمليه وسعرها معقول فيها 28 شادو
شادوهين اساسيين البني و الاخضر و بيس انا استعملت بينت بوت من ماك
ماسكارا و ايلاينر و جحالين البني لداخل العين و الاخضر باستعمله ك بيس للشادو الاخضر عشان يبرز
Lash curler
فرش
نبدا اول شي بتوزيع البينت بوت البني على الجفن كامل و الفرشاه اللي استخدمتها هيه 217
من ماك اسم البينت بوت constructivist
الحين بالفرشاه رقم 239 من ماك نوزع اللون البني من بورجوا على الجفن كامل بس ما نتعدى الجفن المتحرك و ندمج اللون البني بالبينت بوت ومانخلي خط بارز نحاول نخلي اللون يخف بطريقه مرتبه على فوق
باللون اللي في الصوره هاي ندمج بخفه الخط اللي استوى من فوق عشان ما يبين بارز وهاللون يساعد على الدمج لانه لون خفيف و يشبه لون البشره
و اللون الافتح نستخدمه ك هايلايت عند عظمه الحاجب
بالون الغامج هذا على فكره اللون بني غامج وفيه لمعه ذهبيه واول مره التصوير ما يبين الالوان عدل
نستخدمه في زاوية العين الخارجيه يعطي دراماتيك لوك شوي و يبين رمادي في الصوره !!
ندمجه بخفه ويا اللون البني و بيطلع لكم لوك ولا اروع من تدرجات البني
الحين ننتقل للجزء السفلي من العين ناخذ الجحال اللي لونه اخضر و نرسم خط تحت الرموش بيكون بيس للشادو الاخضر بيثبت و بيبرز اكثر بهالطريقه
الحين بالفرشاه المايله ناخذ من الشادو الاخضر و نرسم فوق الجحال اللي حطيناه
على فكرة بهالطريقه بعد ما بيتناثر عندج الشادو
نجحل العين من داخل باللون البني او ممكن نحطين جحال ابيض
نرسم العين بالايلاينر خط رفيع بس عشان نموه و نخلي الرموش يبينون اكثف واذا تبون تقدرون تمدون الخط لبرع بعد يطلع اللوك روعه
بالفرشاه رقم 134 من ماك نحط من بلاشر ماك و اسمه ENOUGH SAID لونه بني خفيف بلمعه ذهبيه
و نحط قلوس خفيف وانا اخترت قلوس بورجوا ولونه برتقالي بلمعه ذهبيه بس ما يبين فاقع بالعكس عادي او تقدرون تحطون روج لحمي بدون لمعه
نستخدم ال Lash curler و نحط ماسكارا
[IMG]http://www.3roos.com/uploder/uploded20080901/69616/41229013238.jpg[/IMG
و اذا تبين حطي مناكير باللون البني الغامق
هذ اللوك
لا أسمح بنقل الموضوع دون ذكر المصدر