بصراحه انا شفتها في منتدى ثاني وجربتها ….. والف شكر للاخت هدوبه على هالطبخه الحلوة
بس ترا مب رووووووووعه … إلا خيااااااال صراحه…..
وفي نفس الوقت سريعه …….
بعطيكم الطريقه السهلة …
اول شي ناخذ البرقر ونصفه في صينيه بدون زيت ولا ماي ويكون البرقر ذاايب
وبعدين نحط على البرقر شرايح بطاطا
وبعدين نحط شرايح طماط سميكه شوي وشرايح فلفل رومي وشرايح ليمون ورشه ملح
وبعدين شرائح جزر وكوسه وبقدونس مقطع وملح بهارات فلفل اسود وملعقتين زيت زيتون
بعدها خذي جدر على النار وحطي بصل وثوم وماجي وشوي زيت وبعد مايحمر حطي عليها 4 حبات طماطم معصوره بالخلاط
ومعجون طماطم وبهارات كركم وكمون وخليها الين تتماسك بعدين صبيها على الخضار
وغطيها بالقصدير ودخليها الفرن واشعلي النار من الجهتين واتركيها وماتحتاي ماي لان ماي الخضار وشرايح البرقر تكفيها وزود
وبعد ماتخلص وتنضج الخضار شيلي القصدير وخليها تتحمر من فوق وبعدين رشي عليها جبن مازرولا وطفي الفرن وخلي
الجبن يذوب بحرارة الفرن وذوقي احلى صينيه ^^
وممكن تاكلينها مع العيش او الخبز ….. اممممممم رهييبه ويا رشه تباسكو ^^
وعليكم بألف عافــــــــــــــــية ^^