اهليين باحلى عضوات ..
طبعا كتتير ناس تحب ترسم حواجبها ..
بس يا ترى هل رسمتك صحيحة !!
ولا بترسمي خط مستقيم بالبودرة او القلم في حواجبك
وبعدين بالمنديل تحمسيه او تستخدمي عود قطن
.. عشان يخف حدة اللون !!
اذا كنتي بتعملي كده فدي كاارثة ..
عشان دا حبيت اوريكم الطريقة الصحية لرسمة الحواجب ..
الفرق بين رسم الحواجب
بودرة ضد القلم
طبعا ما في طريقة احسن من التانية ..
لكن انتي اختاري الشي الي يناسبك ..
بس اهم شي تعرفي ترسميه .. ويطلع شكلك بيرفكت ..
اول خطوة تمشطي الحواجب للاسفل..
[ جدا مهم عشان تبان جذور الحواجب من بدايتها ]
اختيار لون البوردة :
لون البني المتوسط Medium Brown
طبعا حاولي تستخدمي لون مناسب للون شعرك ..
ولا تستخدمي لون اسووود زي الليل لرسم حواجبك ..
لانو شكلك راح يطلع حاااااد .. دايما استخدمي درجات البني .
استخدمت فرشة رفيعة حقت رسم الحواجب >> راح تسهل عليك الرسم
نبدا الرسمة بالفرشة .. من جهة الركن الداخلي [ من بداية الحاجب ]
واستمري الى النهاية ..
خطأ فااادح !!!!
من الغلط انك تعملي خط بالفرشة !! و دا الشي يقع فيه الكتتيرات ..
لكن حاولي توزيعي البودرة بالفرشة .. تتطلع النتيجة افضل واحلى
فرشة الماسكارا ..
بعد كدا .. خذي فرشة المسكارا .. ومشطي بيها الحاجب
اذا ما عندك .. استخدمي فرشة مسكارا قديمة من الي عندك ..
طبعا دي الخطوة .. راح تخف حدة خطووط البودرة ..
ويطلع الحاجب شكله طبيعي ..
مشطي كم مررة الين يطلع شكلها مدموج
اخر خطوة ..
استخدمي ظل لونه بيج .. او لون الفانيليا .. تحت الحاجب
[زي الاضاءة الخفيفة ]
ارفعي حاجبك باصبعك .. وضعي اللون البيج تحته
طبعا دي الخطوة فايدتها : تبرز العين والحواجب .. gives an Eye left
زي في الصورة
وبكدا خلصنا البوردة ..
راح تلاحظوا انها طول ما هيا قاعدة ترسم بالقلم .. رافعة الحاجب باصبعها
طبعا اهم شي مسكة القلم ..
ابدا لاتمسكي القلم كانك تكتبي .. راح تتطلع حواجبك شكلها غلط
غلط دي المسكة .. شوفي الصورة
المسكة الصحيحة :
تمسكي القلم مايل وترسمي من البداية للنهاية
وحاولي تعبئ الفراغات الي في حواجبك .
معلومة :
الرسمة بالقلم .. تعطي شكل وواضح ومحدد
بعد كده .. زي الخطوة الي قبلها مشطت الحاجب بفرشة الماسكار ..
وحطت الاضاءة تحت الحاجب
[طبعا نحنا نبغي لوك طبيعي ..فاكيد لون الاضاءة يكون خافت وناعم .. مو لامع وقوي ]
وبكدا خلصنا ..
اتمني يكون عجبكم درسي
دمتم بحب