شخبار الحوامل؟ بعدكم صامدون ويا الكروشه 🙂
عقبااااااااااال كل المحرووومين يارب
دورت تجمعنا..تجمع امهات زايد بس ماحصلته 🙁 كنت ابا اخبر ربيعاتي اني ربيت.. فقلت احط موضوع احسن..
المهم..انا الحمدالله ربيت بالسلامه يوم الاربعاء تاريخ 16-12-2009 الساعه 4 العصر
وياني اغلى البشر ســــــلطـــــان 🙂 وطبعا هذا بجري فديته الله يحفظه يارب ويخليه لي ولابوه قولو امييين 🙂
بغيت اقول حق الكروشات اللي اول مره..لاتخافون من الولاده ولاتخلون حد يخوفكم منها.. اتوكلوا على رب العالمين ترا التساهيل من الله مب من الدكاتره..يوم بتيكم الويعه تموو ادعو ان الله يسهل عليكم ويهون عليكم الطلق وخلو حد يقرا عليكم قرأن..الله يسهل على الجميع ويقومكم بالسلامه يارب وتشوفون عيالكم بصحه وعافيه..والله يرزق كل محرووم ومحروومه..