اشتقت لكن واايد ومن زمان لي على المنتدى الغالي
حابه اليوم اغير جو شوي واليوم درسنا على السموكي بس هالمره
خاص للسهره
هني اللبس اسود باسود ..وفيه كرستاله حمراء بالنص
هني العارضه بالفستان والشعر الكيرلي الخصل بخصل بنيه على قاعده الشعر الشوكلاته
الهارضه شعرها اسود سابقا
حبيت اغيرلها لوك صبغنالها شعرها خصل حمراء على بني
..وهي من الموضه الدارجه بالخصل
ونرجع للميك اب
الحلو بالسموكي انه يناسب الفستان اي كان لونه
ترومين تضيفين تتش خفيف بلون معين ويطلع لج لوك حلو ناعم وبنفس الوقت يناسب سهره
فالنبدا
اولا شي بتجهيز البشره
بالبيس المرطب …
وفي انواع تكون مثبته للميك اب بنفس الوقت ترطب البشره خصوصا الجافه
ثانيا نوزع الكونسيلر
الفاتح على المنطقه اسفل العين
الكونسيلر الستيك يكون واايد نعوم ..
وبنفس الوقت ترومين تستخدمينه كفاونديشن خفيف للبشره
نوزع كريم الاساس ودام انه طلتج لسهره اذن تحطين كريم الاساس افتح من لون بشرتج بدرجتين
ودوم يسالوني ليش..
انصح بهالشي لانه الاضاءه دوم بالقاعات صفرا
فلو حطيتي نفس لون البشره راح يعطيج لوك اغمج شوي
نوزع البودره المضغوطه بالتساوي من الجبهه الى الدقن وحتى تحت العين
ننثر بالفرشه البودره الحره البودره المنثوره لتعطي لوك ناعم
نبدى بالعيون ..
نوزع الاضاءه وانا اخترت الفضي الفتح تحت الحاجب والفضي الدارك للزاويه الخارجيه
والافضل تتفننين بتدرجات اللون يعطي ستايل حلو للعيون وبنفس الوقت يبرزها
اولا بالقلم الاسود نحدد كامل الجفن المتحرك ونموه التحديد
نبدا بتوزع اللون الفضي من الجفن الى الزاويه الداخليه ولاحظي انه الفضي يغلب اكثر عن اللون الاحمر
لانه اللون الاسود يعطي دخول للعين فابرزها اكثر باللون الفاتح بالزوايا
نوزع اللون العنابي او البني المحمر بعد الفضي بخطوه لانه لبس السهر اسود بكرستالت حمرا
نوزع اللون الاسود على الجفن المتحرك ونغكقه اكثر بالالينر المائي
والنتيجه لفستان السهره الاسود بكرستالات الحمرا
وهي حبيت اضيف خصل حمراء بتسريحه الويفي المفرود للعارضه ليتاسق مع الفستان
وتغير اللوك نهائيا
اما عن الروج فبما انه اللوان العيون بدرجات غامجه اخترت اللون البنك على لحمي شوي مع حمره خدود او بلشر مورده شويتين ..
هاللي احب اقدمه اليوم ..
ياليت يعجبكم ..
ارفعولي معنوياتي بكلمه حلوه ودعوه ..
ربي يحفظلي بيتي وعايلتي ويفرحني فيهم
ويرزقني الرزق الحلال
واللي عندها تعليق يسد النفس تتركه لنفسها
ترا اخذت من وقتي ووقت شغلي كرمالكم
لووووول
وانتظروني بمفاجأت خاصه بالمنتدى