اليوم بحطلكم موضوووووووووع بالنسبة لي مهم حيييل
وجزء اساسي من الميك اب
الكونسيلر
طبعا اغلبنا عنده هالات تحت العين وتختلف درجتها على حسب لون البشرة
شكثر حاااولت اعالجهم بكريمات وماسكااات بس للامانه ماكو فايدة تذكر
واكتشفت ان السبب من داااخل الجسم
من اهم اسباب الهالات :
1_ الوراااثة
2_ التعرض للشمس يسبب ارتفاع نسبة الصبغة الملونة الطبيعية الملونة في الجسم وخصوصاً في الجلد الرقيق تحت العيون.
عشااان جذي لازم نلبس النظارة الشمسية افضل
3_الحساسية، والربو والأكزيما ( انا شخصيا اعاني منها )
لان المرض يسبب الحكة للعيون بالتالي يساهم في تكوين الهالات السوداء تحت العيون
4_ الأدوية
أي دواءناخذة يوسع الشريان يساعد على ظهور الهالات السوداء تحت العيون
لان الجلد تحت العين يكون حساس حييل بالتالي أي زيادة في مجرى الدم راح تبين عالجلد تحت العين
5_ التغذية والحمل والعمر
6_ قلة النوم ( السهر )
قلة النوم أو التعب يسبب شحوب للجلد بالتالي الدم يبين اكثر ويصير لونه أزرق أو على بنفسجي
وانا وااايد اعاني من هالسالفة
طبعا في علاااجات طبيعية ممكن تخفف من اللون بشكل بسيط مثل
كماادات الجاي _ كمادات الخيار _ كمادات البطاط _
بالتالي مالناااااااااا حيله غير الكونسيلر.gif)
انا شخصيا وااايد وااايد اهتم بالكونسيلر وساعات اكتفي فيه مع شوية بودرة يغير ويهي ويعطيه نضاارة
الحين بحطلكم THE BEST OF CONCEALERS طبعا الترتيب عشوااائي
No. 1: Yves Saint Laurent Beauty Touche Eclat
يغطي العيوب الدقيقة ويعطي اضاءة حلوة حق المناطق الداكنه
انا شخصيا كنت استخدمة قبل جم سنة كااان حلو معاي بس طبعا هالاتي كانوا اقل مادري اذا الحين يمشي معاي ولا لا
No. 2: Stila Illuminating Concealer
هذا الكونسيلر يناسب البشرة الدهنية وهو خفيف لكن يغطي بدرجة كبيرة واغلب الميك اب ارتست يستخدمونه
وايد اشووف باليوتيوب يستخدمونة بس انا ماجربته والله
اللي مجربته ياريت تقولنا رايها فيه؟
No3: Bare Escentuals i.d. bareMinerals Multi-Tasking Face
عبارة عن تركيبة معدنية mineral concealar
ممتاز في تغطية العيوب والدوائر الداكنةوالبقع البنية ويعتبر قاعدة لتغطية العيوب والبقع الحمرا
هذا وايد عجبني ان شاء الله ناااوية اجربه لان اول مرة اشوف كونسيلر مينيرال
No.4: Clinique Advanced Concealer
هذا الكونسيلر يناسب البشرة الدهنية حيييل لان oil-free
ويغطي البقع الداااكنه بشكل كبير
شخصيا جربته حلو بس مع الوقت حسيتة يقطع مادري ليش؟؟
No. 5: Benefit Galactic Shield
هذا الكونسيلر عبارة عن قلم صغير يناسب الهالات الداكنه والحبوب الحمرااا وايد
ماجربته صراحة بس شكله حلو حق الحبوب والاثار اكثر
No. 6: Make Up For Ever Full Cover
هذا الكونسيلر يعتبر ثقيل الى حد ما بس يغطي الدوائر الداكنه والحبوب واثارها والكلف بالويه
واااايد حلو هالكونسيلر انا جربته ودرجاااته حلوة ويعتبر من الانواع القوية بالتغطية
No. 7: Lancome Effacernes
هذا الكونسيلر waterproof ضد الماء
ثااابت ويظل معاج طول اليوم ومايكتل كللللش ولمسة منه تكفي المنطقة وتخليها منورة
حلو حيييل جربته قبل فترة وخلص ونسيت اشتريه مرة ثانية
شكلي برد عليه
No.8: Bobbi Brown Tinted Eye Brightener,
هذا الكونسيلر تقدرين تستخدمينه حتى على زوايا العين الداخلية حلو مايكتل كلش
ويعطي اضاءة تحت العين ويناسب البشرة الجافة وااايد
شخصيا ماجربته بس وايد اشووف بنات ماشي معاهم
No.9: Estee Lauder Double Wear Stay-in-Place Concealer SPF 10
هذا الكونسيلر يساعد على اخفاء الدوائر الداكنة تحت العين والاحمرار بعد
ويظل معاج طول اليوم ويمتزج مع البشرة بطريقة سهلة والاهم ان مايكتل
روعة روعة روعة هالكونسيلر
حاليا استخدمة ومرتااااااااااااحة عليه وايد
Make Up For Ever Lift Concealer10
هذا الكونسيلر يساعد على التقليل من الخطوط الدقيقة تحت العين بالإضافة الى ان يقلل من الانتفاخ ويساعد على شد المنطقة
ويعتبر علاجي وتجميلي بنفس الوقت
ماجربته والله بس اشووف ان علاجي وتجميلي شي زييين
بضيفة للسته ان شاء الله
ويالله بنااات اللي مجربه شي من هالانواع تذكر لنااا تجربتها؟؟؟
منقوول لعيوونكم :90: