كيف الحآل وكيف البطون 
!!
اليوم سويت لكم أختراعي اليديد والنآجح من الدرجة الآولى >>> تمدح عمرهآ 
طريقة الآيس كريم بالمكسرآت والتوفي ….
نبدأ بسم الله
( المقادير ) …
للتوفي : كوب سكر أبيض ، قشطة واحدة ، ملعقة زبدة صغيرة …
لخلطة الكاجو أو جوز البقآن أو أي نوع مكسرات تحبون : كوب سكر بني ، كآجو
لخلطة الآيس كريم : دبل كريم سائلة ، دريم ويب ، علبة كبيرة ( حليب مركز ) ..
( الطريقة ) والخطوآت بالصور
هذي المقادير بالصور …
نضع كوب السكر الأبيض على نار خفيفة …
نتركة لحد ما يصير لونة أشقر ويذوب السكر …
نضيف من بعدهآ علبة القشطة …
نحركهم مع بعض ونتركهم لحد ما يتجانسون …ونضيف ملعقة الزبدة ..
نحركهم لحد ما تذوب الزبدة وبكذا تكون خلطة التوفي جهزت …
نضعهآ في طبق جانبي ..
بنفس القدر .. نحط ربع مقدار من الي شايفينة بالصورة من الكآجو
نحط علية كوب السكر البني …
في هذي الاثناء ولحد ما يذوب السكر :: نحضر صينية صغيرة ونحط فيهآ ورقة من الالمنيوم
بعد ما يذوب السكر في مقدآر الكاجو ،، نصب الخليط على ورقة الآلمنيوم
بعد ما يصير بارد ، نكسرة بالطريقة هذي ^^ أحلى خطوة ،، جنة جليد وتكسرينة ^^
بعد ما كسرتية بإيدج شوي ،، زيدة بعد دق ^^ مثل هذي الصورة
والحين نبدأ في خلطة الآيس كريم … نجهز خفاقة الكيك ونصب ( دبل كريم السائل ) ..
نضربهآ لحد ما تتجآنس …
ويصير شكلهآ جذية ..
بعدين نصب عليهآ الحليب المركز …
وبعدين نضيف الدريم ويب
وبجذا يكون جهز الخليط
في هذي الاثناء نجهز الطبق الي راح نحط فية الآيس كريم …
الحين نبدأ نحط طبقات الآيس كريم … أول شي نحط نص طبقة من خليط الايس كريم وبعدها خليط الكآجو
بعدين نضيف خلطة التوفي …
وفالآخير نحط الطبقة الثانية من الآيس كريم …
وبعدين نحطهآ فالفريزر يوم كآآآآمل لحد ما يستوي الآيس كريم …
وهذي النتيجة ،،، طلعت مشرفة // بس الصور مضلمة مدري ليش
وهني وعآفية على قلوبكم
منقـــــــــــــول
