اليوم جايبه لكم طبخه جنان
وان شاء الله اسويها واوريكم تطبيقي
بالحلم راضي هههههه
بسم الله نبدا:
اول شي تبلي اللحمه والبطاطس طبعا البطاطس يكون مقشر بس لاتقطعينه خليه بكبره
مقادير التتبيله
علبة **ادي- مكعب ماجي -غطاء خل -ملعقة مليانه بهارات كاري- وكاس ماء- حبة بصله مفرومه
وهنا بعد ماتبلتها
اتركيها ساعه تتبل
]بعد كذا حمري حبيبتن بصل مفرومه في كميه من الزيت
لما يصير لونه بني غامق كذا
بعدين اضيفي اللحمه والبطاطس دون الخلطه
قلبيها مرة كثير لما تتشوح م**وط تقريبا 10 دقايق وتكون النار وسط لما تصير كذا
حطي عليها الخلطه ال**ادي ((التتبيله))
وقلبيها لما تصير كذا
بعدين حطي كوب ماء حار في نفس ال**ديه اللي كانت فيها الخلطه وصبيها عليها
حطي عليها ملح وقلبيها لما تفور
واضغطيها لمدة 20 دقيقه طبعا اللحم حطيه اسفل القدر والبطاطس فوقه عشان ماينهرت
وهذا شكلو بعد مافتحت عليه
سوي رز ابيض على جنب نص استواء سويه بالطريقه اللي تحبيها انا كشنت بصل بالزيت واضفت له بهارات صحيحه قرنفل وقرفه وهيل ورق غار وماجي واضفت لها الرز قلبته معاها واضفت الماء والملح
اضيفيه فوق اللحمه وحطي عليه صبغه او لون الزعفران حسب الرغبه واضغطيه لمدة خمس دقائق فقط علة نار هاديه وهذا شكله بعد مافتحت عليه
قدميه مع سلطة اللبن والطحينه بالخيار والجزر المبشور((ملعقتين طحينه – فص ثوم – ليمون – خل – علبة **ادي – كوب لبن – فلفل اسود – ملح ))
وهنا شكلو في صحن التقديم
شوفي البطاطس كيف مستويه ومهروسه
وهذا الصحن
ملاحظه: اللي ماعندها ضغط تتبع نفس الخطوت لكن تزود المويه على اللحمه وتغطي عليها وكل بعد ربع ساعه تفتح عليها تشوف المويه اذا نشفت تزودلما تستوي اللحمه تقريبا تاخذ ساعه الا ربعواذا اضافة الرز على اللحم يكون الرز مستوي مو نص استواء واللحم يكون مستوي بس بمجرد انها تضيف الرز وتخليهم يتسبكو مع بعض 10 دقايق على نار هاديه وتقفل عليها
وصحتين وعافية على قلوبكم