اولا نقول بسم الله
وببدا احكيلكم هالقصه المتواااضعه
شعري من النوع مثل ماتقولون شعر هنديه بحت يوم كنت صغيره لدرجه انه لفخذي..، وشعرته قويه وسميكه وناعمه مره
كان صحي بمعنى الكلمه… قولو ماشاء الله…
المهم انا ماجربت فحياتي صبغ او ميش او اوا او هالاشياء اللي طايحين فيها البنات
بس مجرد هالاشياء عدمت شعري
( قلق مستمر سبب لي تساقط _ مااكل كثير ولاكنت اهتم بسلطات او فواكه_ انا من النوع اذا توتر او يفكر لازم احط
اليد بهالشعر وانتف كم وحده منه . الى اخره من الامور اللي مشابهه للي ذكرتها والادهى والامر كنت اقصه فالبيت على كيفي… فنهايه السنه حصلت على شعر منتف من اوله لين اخره.. خشن وفاقد للحيويه. وياكثر الفراغات اللي فيه
شعري صااااااار تحفه ويضحك… ومايعدي طوله ويادوب يوصل اكتافي…//
طبعا ماايحق لي اتحسر ولا اقول ياربي وش فيه… لاني عارفه اني سبب الدمار اللي حاصل
خاصهً انه مرت سنين وهو ماطول ولا وصل حتى اكتافي والتقصف يتزايد بفضاااااعه..// لدرجه كلن يقول شعرك كنه محترق كله.. على العلم اني ماصبغته ولا شي.. بس من زود اللعبه
_________________________
يوم انهارت نفسيتي بسبه هالشعر.. :06:
قررت اسوي التالي
جبت علبه كامله زيت الناارجيل وطبعا الكل يعرفه
وعلبه زيت خروع
وزيت اللوز الحلو
وطحنت محلب وحطيته
و10 فصوص ثوم
خلطت الزيوت كلها مع بعض وضفت لها فصوص الثوم وحطيتها بقاروره عصير كبيره وحطيتها بمكان مظلم
وبعد عشره ايام .. شلت بقايا الثوم من القاروره
كيفيه الاستخدام // خذي لك علبه زيادي _ ملعقه زيت زيتون_ ملعقه مايونيز_ ملعقه من خلطتنا المذكوره فوق
)) اخلطيهم وحطيهم على شعرك كنه ماسك … ادهني كله وافركي حتى فروه راسك بهدووء )) خليه على شعرك
تقريبااا 4 ساعات وماافضل تخلي الخلطات على شعرك مده طويله اكثر من خمس ساعات
الغسيل // اغسله بشامبو فيتو موجود بصيدليه الدواء.. يمنع التساقط بشكل 70% والله شاهد علي اني انصح فيه كل وحده شعرها يتساقط .. لانه ريحني وريح كل البنات اللي علمتهم عليه .. لانه طبيعي ومن اعشاب وصناعته تركيه
والعلبه الصغيره سعرها 30 ريال تكفيني تقريبا شهر../
الحين شعري وصل لنهايه ظهري ومابه تقصفااات ..ورجع مثل اول والكل يمدح فيه.. وكلماله يزاداد طول قولو ماشاء الله
… هالخلطه خليتها جزء من اسراري بس ماراح ابخل بها لكم
تصدقون حتى امي منفجعه بالتغير اللي صار بحوالي 6 شهور..،وقامت تعلم خالاتي فضحتني عند الخلايق
وقام الكل يسالني وش مسويه يابنت فشعرك.. وش مسويه يابنت علمينا؟؟
اي استفسار انا حاضره
وادري طولت عليكم
مشاءالله ربي يحفظك حبيبتي
طيب عندي سؤال الثووم مااتطلع ريحته في الشعر؟؟
تصدقين اختي والله انا ابغى احط ثوم على شعري بس اخاف لان الثوم قوي على الشعر ويتساقط شعري كلة لو يتساقط كلة بيجيني حالة نفسية