السلام عليكم أخواتي أنا عندي مشكله بسيطه , واحد من بناتي جبهتها كبيره نوعا ما و انا دائما ما أحاول ابين لها ذا الشئ بس في ناس ملقفه يحبون يعلقون و هي بدأت تفهم , مثلا واحده الله يهديها أكبر مني ( يعني ما أقدر أقول لها شئ ) اذا شافت بنتي تعطيها كف على جبينها ( على سبيل المزاح الثقيييييييييييل ) , و الله أموت عليها من القهر :06:و اذا قلت لها حرام عليكي تقول أمزح معاها , و لا تجيني ثانيه و تقول لي بنتك جبهتها كبيره ! ( المصيبه إنه حتى هي جبهتها كبيره ) 😮 بالله وش أقلها؟! , ولا أحلى شئ واحده تقول لي أنه اللي جبهتهم كبيره يطلعون أذكياء و ترا بنتك بتطلع ذكيه :bkh:, المشكله في ذا الموقف بنتي ( 5 سنوات ) كانت قاعده و قامت حبيبتي تحط يدها على جبهتها و الله حزنتني .
والله العظيم اني نفسي اسوي كذا في الملقفه :024: لكن العين بصيره و اليد قصيره.
أنا ترا دايم أمدح فيها و في شكلها عشان ما تحس بشئ , بس أبغى أسأل اذا في اي شئ ينبت الشعر في الجبين , و ترا انا قاصه لها غره على جبينها بس ما تحبها( شعرها وسط مو ناعم ولا خشن ) بس ما أبغى أحد يعقدها بكره اذا دخلت المدرسه و اذا كبرت , و لا تقولون حلقي جبهتها بالموس لأنه ما أحس يجيب نتيجه .
و شكرا , والله يوفق كل واحده تعطيني حل.
يا بنات اللي ما عندها حل ترفع الموضوع وجزاكن الله خير