شخباركم يا رشيقات ؟؟
تصدقوون انه من سنتين موقفه ريجيم ؟ و وزني ما زاد الا عقب الشهر الخامس من الحمل .. و الحين عمر سعود 5 شهور الله يحفظه و توني افتكرت انه لازم اسوي ريجيم ..
و لكن انا ما احب الريجيم بالاضافه اني بعدني ارضع ولدي و ما ابا ينقص غذائي .. فيلست ادور و ابحث … :12 (29):.. و لقيت هالدايت الي اخترتها وايد حلوة .. و يسمونها حمية آبس The Abs Diet
عقب ما شفت موضوع كوكو الحلوة (بنت الفلاسي) قررت انه احط يومياتي بعد عشان اتحمس .. اهم شي الحماس خخخخ … بحط كل يوم شو كلت و شو خبصت و شو لعبت و شو طبخت .. و قد ما اقدر بحط صور ..
طبعا انا بديت من يوم السبت .. 5-ديسمبر-2009 و اشوف عمري متحمسه الحمدلله 🙂
بالنسبة لوزني و طولي .. طولي 161 سم .. و وزني 65 كج
الحمدلله وزني الي اكتسبته في الولاده راح بس الحين ابا اضعف اكثر ..
الهدف الأول: 60 كج
الهدف الثاني: 55 كج ———-
الحين بحط لكم نبذه عن الحمية و الاطعمه الي لازم تاكلونها .. و اكيد بتقولون هذا ريجيم ؟؟ فيه كل هالاكل … و بقولكم هيه هذا ريجيم و انا مجربتنه و ضعفت عليه بعد 🙂
الحميه هذي تعتمد على 12 عنصر .. The ABS Diet POWER
A= Almond and nuts
B= Beans
S= Spinach and herbs
D= Dairy
I=Instant Oat
E= Eggs
T= Turkey
P= Peanut Butter
O=Olive oil
W= whole grain bread
E= Extra whey protein powder
R= Rasberries
بالعربي :
1- لوز و مكسرات
2- بقوليات
3-سبانخ و خضار
4- منتجات الحليب (قليلة الدسم)
5- شوفان (كويكر)
6- بيض
7- ديك رومي (مرتديلا) و غيرها من اللحوم الخفيفه و الاسماك
8- زبدة الفول السوداني
9- زيت الزيتون
10- الخبز كامل النخاله (و ممكن المكرونه الكاملة النخاله بعد)
11- بروتين (هذا من محلات التغديه ) بس انا بصراحه ما خذته ..
12- التوتيات ..
شوفوها في هالصورة للتوضيح ..
عندكم في اليوم 3 وجبات رئيسيه و 3 وجبات خفيفه .. اقل شي بين الوجبه و الثانيه ساعتين .. و لازم تحطون على الاقل 3 عناصر من ال12 عنصر في الوجبه الوحده .. خلط بلط ههههههههههه .. و لازم تسوون رياضه على الاقل نص ساعه مشي في اليوم .. بس اول اسبوع اختياري .. و من ثاني اسبوع اجباري ..
يالله تبووووووون تشاركووني ؟؟ :12 (74)::12 (74): ترا الدايت واااااااااااايد بسيطه و اغلب الاكل موجود في كل ثلاجه بس يباله ترتيب .. 🙂
برد لكم بالاكلات الي كلتها من يومين و اليوم … يم يم .. بس عقب ما اسير امشي على جهاز المشي نص ساعه و ارد ان شاء الله ..
رديت (بعد التعديل على الموضوع)
الحين بقولكم عن جدول الاكل للايام الثلاث الماضية ..
بس في البدايه براويكم المنتجات اللي استخدمها و عاجبتني ..
اولا : عائلة الحليب .. Diary و اكيد كلها قليلة الدسم .. ممنوع كامل الدسم .. يوم بتشترين اي منتج راجعي تاريخ الصلاحية . و حاولي تاخذين انتاج اليوم نفسه عشان يتم عندج اطول وقت ,, و شوفي المنتجات الي ورا لنه اللي جدام اقدم ..
و هني عندج بعض المكونات الرئيسية في الحمية :
1- السبانخ و طبعا معاها الخضروات الاخرى و خاصه الخضراء مثل النعناع و الخس و البقدونس و الكزبرة و الجرجير.. هالاطعمه تمدنا بالحديد و الالياف .. خليهم مكون رئيسي للسلطة
2- زيت الزيتون .. خليه اهم شي في السلطه .. اي سلطه او باستا ضيفيلهم ملعقه او اثنين من زيت الزيتون ..
3- الشوفان ..او الكويكر .. غني جدا بالعناصر الغذائية الي تمدنا بالطاقة ..
4- زيت نباتي لايت عباره عن سبراي .. انا خذته من اللولو هايبر ماركت .. وايد خفيف و ما اعتبره زيت بس يخلي الاكل ما يلصق في التاوة .
و هني صورة التركي او الديك الرومي .. مقطع شرائح (مرتديلا) .. انا اخذه من اللولو هايبرماركت .. شي انواع .. اختاري قليل الدسم … صح اغلى شوي بس افضل .. و حاولي تاخذين الكميه الي تناسبج بس لأنه حرام تشترين العشر شرايح تقريبا ب 25 درهم و عقب يومين تعقينهم حيث انه مدة الصلاحية 3 ايام فقط .. يوم بتسيرين قوليلهم ابا مثلا 5 شرايح .. الي تسدج ل3 ايام ..
و هني هالاشياء الي ممكن ناكلها كوجبات خفيفه او مثل ما يسميها البعض سناكس ..
من اليمين فوق : بديل السكر .. بصراحه دورت سكر الفواكه ما حصلت لني سمعت انه مب زين للام المرضعه تاخذ سكرين .. بس الي قريته عليه انه ما يحتوي على هالماده …. اللي تعرف وين اقدر القى سكر الفواكه تخبرني بليز ..
يسار فوق: بسكويت دايجستف لايت و غني بالالياف … حلو تاكلين 3 حبات عند الجوع مع كوب شاي اخضر ..
يمين تحت : كوفي ميت لايت …. لا تكثرين منه بس يعني مره او بالكثير مرتين في اليوم ..
يمين يسار: كورن فلكس غني بالالياف و فيه توت … لذييذ .. بس تحطينه ويا حليب بارد قليل الدسم بروحي محلى .. و طعم التوت الحامض .. يعطيج شعور راائع هههههه ..